Agenda a chofnodion drafft

Croesawodd y Cadeirydd bawb i'r cyfarfod.

Y Cyng. Saifur Rahaman, (Eitem 4A a 4B) – Personol, mae

 aelod o'r teulu'n derbyn cymorth gan y Tîm Anghenion Dysgu Ychwanegol (ADY). 

Y Cyng. Peter Rees, (Eitem 4B) - Personol, Llywodraethwr yn Ysgol Gyfun Cefn Saeson.

Y Cyng. Nia Jenkins, (Eitem 4A) – Personol, Llywodraethwr yn Ysgol Gyfun Cwmtawe

·        6 Mawrth 2025

Cymeradwywyd cofnodion y cyfarfod a gynhaliwyd ar 6 Mawrth 2025 fel cofnod cywir.

Trafododd yr aelodau eitemau o Flaenraglen Waith y Cabinet

Dywedodd Pennaeth y Gwasanaethau Cefnogi a Thrawsnewid wrth aelodau bod yr adroddiad yn benderfyniad terfynol o'r cynnig i ad-drefnu'r ddarpariaeth anghenion dysgu ychwanegol yn Ysgol Gyfun Cwmtawe. Ni dderbyniwyd unrhyw wrthwynebiadau i'r cynnig yn ystod y cyfnod ymgynghori ac os caiff ei gymeradwyo, cynllunnir y gwaith ad-drefnu ar gyfer mis Medi 2025.

Mynegodd yr aelodau eu bod yn cefnogi'r cynnig a thynnwyd sylw at bwysigrwydd rhoi plant ag anawsterau llythrennedd penodol mewn ysgolion prif ffrwd. Gofynnodd yr aelodau am nifer y disgyblion yr oedd ganddynt Gynlluniau Datblygu Unigol gan yr ysgol ar gyfer anawsterau llythrennedd penodol; pa graffu sydd ar waith i sicrhau y bydd y disgyblion yn derbyn addysg o ansawdd uchel i ddiwallu eu hanghenion dysgu ychwanegol mewn ysgolion prif ffrwd? Gofynnodd yr aelodau hefyd pa brosesau a gwerthusiadau Anghenion Dysgu Ychwanegol sydd ar waith i sicrhau bod yr wybodaeth a ddarperir i'r Awdurdod Lleol gan ysgolion yn gywir.

Rhoddodd Pennaeth y Gwasanaeth wybod i'r aelodau bod yr adroddiad yn canolbwyntio ar gau darpariaeth anghenion dysgu ychwanegol lle nad oedd unrhyw ddisgyblion, felly efallai y byddai'n fwy priodol i'r tîm Anghenion Dysgu Ychwanegol ateb y cwestiynau hyn mewn cyfarfod yn y dyfodol. Darperir hyfforddiant helaeth i ysgolion i gydnabod dyslecsia ac anghenion arbennig eraill. Caiff ysgolion eu monitro'n rheolaidd trwy Swyddogion Cefnogi Addysg a Gwasanaethau Cynhwysiad, gydag adolygiadau blynyddol ar gyfer disgyblion y mae ganddynt Gynlluniau Datblygu Unigol gan yr awdurdod lleol. Anfonir gwybodaeth bellach ymlaen at aelodau y tu allan i'r cyfarfod. Nodwyd hefyd bod y ganolfan yn Ysgol Gyfun Cwmtawe wedi bod yn wag ers cyfnod sylweddol.

Gofynnod aelodau a oedd athrawon mewn ysgolion prif ffrwd yn derbyn hyfforddiant priodol mewn perthynas ag anghenion dysgu ychwanegol ac a oedd cyllid ar gael i gefnogi unrhyw ofynion hyfforddi. Gofynnod aelodau a oedd yr hyfforddiant yn orfodol.

Cadarnhaodd y Pennaeth Gwasanaeth y darperir pecyn hyfforddi blynyddol a bod llawer o bobl yn dod i'r hyfforddiant er nad yw'n orfodol. Ceir proses ddilynol ar gyfer ysgolion nad ydynt yn mynd i'r hyfforddiant.

Yn dilyn gwaith craffu, cefnogodd yr aelodau'r argymhelliad a amlinellwyd yn adroddiad drafft y Cabinet.

Dywedodd Pennaeth y Gwasanaethau Cefnogi a Thrawsnewid wrth aelodau bod yr adroddiad yn benderfyniad terfynol o'r cynnig i ad-drefnu'r ddarpariaeth anghenion dysgu ychwanegol yn Ysgol Gyfun Cefn Saeson.

Nododd yr aelodau nad oedd y ddarpariaeth wedi cael ei defnyddio ers peth amser.

Yn dilyn gwaith craffu, cefnogodd yr aelodau'r argymhelliad a amlinellwyd yn adroddiad drafft y Cabinet.

·         Dim eitemau Blaenraglen Waith y Pwyllgor Craffu i’w hystyried.

Nid oedd unrhyw eitemau Blaenraglen Waith y Pwyllgor Craffu i'w hystyried.

Ystyriodd yr aelodau eitemau monitro perfformiad.

Rhoddodd y Pennaeth Datblygu Addysg drosolwg o'r adroddiad a gynhwysir yn y pecyn agenda. Nodwyd bod 93% o'r grant yn cael ei glustnodi'n uniongyrchol i ysgolion, a defnyddir y 7% sy'n weddill ar gyfer costau staff a hyfforddiant. Mae telerau ac amodau'r grant yn caniatáu i rywfaint o gyllid gael ei ddefnyddio'n ganolog i gyflogi staff, ond mae'r mwyafrif yn cael ei glustnodi i ysgolion. Mae Llywodraeth Cymru'n defnyddio fformiwla genedlaethol i bennu'r dyraniad i bob ysgol, a gofynnir i'r awdurdodau lleol roi'r cyllid hwnnw i ysgolion. Trefnir y dyraniad grant yn bedwar maes: Safonau, Cydraddoldeb, Diwygio, a Chymraeg 2050. 

Yn dilyn craffu, nododd y pwyllgor yr adroddiad.

Rhoddodd swyddogion drosolwg o'r adroddiad a gynhwysir yn y pecyn agenda. Derbyniwyd y grant gan Lywodraeth Cymru ers tua pum mlynedd a chafodd ei anelu at ddisgyblion benywaidd i ddechrau; mae'r grant wedi'i ehangu i alluogi merched a menywod ar draws Castell-nedd Port Talbot i gael mynediad at gynhyrchion mislif am ddim. Mae ymdrechion yn parhau i ehangu'r grant i fwy o grwpiau a sefydliadau cymunedol. Anogwyd aelodau i awgrymu grwpiau newydd a allai elwa o'r cynhyrchion am ddim.

Croesawodd y Cadeirydd y grant a diolchodd i'r swyddogion am eu gwaith.

Yn dilyn craffu, nododd y pwyllgor yr adroddiad.

Nododd Pennaeth y Gwasanaethau Cefnogi a Thrawsnewid wrth aelodau fod yr adroddiad yn amlinellu'r risgiau y mae'r Gyfarwyddiaeth Addysg, Hamdden a Dysgu Gydol Oes yn eu hwynebu ar hyn o bryd. Rhoddwyd gwybod i'r aelodau am ddau faes o bryder difrifol; nodwyd y rhain ar y Gofrestr Risgiau Strategol Corfforaethol, gan eu bod yn cyflwyno risg i'r corff corfforaethol a'r Gyfarwyddiaeth.

Yn dilyn craffu, nododd y pwyllgor yr adroddiad.

Unrhyw eitemau brys yn ôl disgresiwn y Cadeirydd yn unol ag Adran 100BA(6)(b) o Ddeddf Llywodraeth Leol 1972 (fel y’i diwygiwyd).

Nid oedd unrhyw eitemau brys.

Mynediad i gyfarfodydd i benderfynu a ddylid gwahardd y cyhoedd o'r eitem ganlynol yn unol ag Is-adran 100a(4) a (5) Deddf Llywodraeth Leol 1972 a'r paragraffau eithriedig perthnasol o Ran 4 Atodlen 12a y Ddeddf uchod.

Mynediad i gyfarfodydd i benderfynu a ddylid gwahardd y cyhoedd o'r eitem ganlynol yn unol ag Is-adran 100a(4) a (5) o Ddeddf Llywodraeth Leol 1972 a'r paragraffau eithriedig perthnasol o Ran 4 Atodlen 12A y Ddeddf uchod.

Trafododd yr aelodau'r eitemau preifat o Flaenraglen Waith y

Cabinet.

Yn dilyn craffu, nododd y pwyllgor yr adroddiad.