Agenda a Chofnodion
Lleoliad: Via Micosoft Teams
Rhif | Eitem |
---|---|
Croeso a chyhoeddiadau'r Cadeirydd Cofnodion: Croesawodd y Cadeirydd bawb i'r cyfarfod. |
|
Datganiadau o fuddiannau Cofnodion: Ni dderbyniwyd unrhyw ddatganiadau o fuddiannau. |
|
Cofnodion: Nodwyd y Blaenraglen Waith. |
|
Siarter Archwilio Mewnol PDF 134 KB Dogfennau ychwanegol: Cofnodion: Rhoddwyd adroddiad i'r
Pwyllgor a oedd yn ymwneud â'r trefniadau llywodraethu y bydd y Gwasanaeth
Archwilio Mewnol yn cydymffurfio â nhw ar gyfer Cyd-bwyllgor Corfforedig
De-orllewin Cymru. Cynhaliwyd trafodaeth
o ran pwysigrwydd y Siarter Archwilio Mewnol, gan ei bod yn cryfhau trefniadau
llywodraethu presennol Cyd-bwyllgor Corfforedig De-orllewin Cymru; roedd y
Siarter yn cydymffurfio â Safonau Archwilio Mewnol y Sector Cyhoeddus a
sefydlwyd yn 2013. Amlygwyd mai
cenhadaeth Archwilio Mewnol oedd gwella a diogelu gwerth sefydliadol drwy
ddarparu sicrwydd, cyngor a mewnwelediad gwrthrychol yn seiliedig ar risgiau, a
gynlluniwyd i ychwanegu gwerth a gwella gweithrediadau'r sefydliadau. Ar ben hynny, eglurwyd
bod y Siarter Archwilio Mewnol yn amlinellu cyfrifoldebau penodol Gwasanaeth
Archwilio Mewnol y cyngor enwebedig; a oedd yn cynnwys cyfrifoldebau a hawliau
mynediad penodol i bobl a dogfennau pan oedd eu hangen. Soniwyd hefyd fod
disgwyliadau o ran sut y bydd Archwilwyr Mewnol yn ymgymryd â'u gwaith o ran
gofal proffesiynol, uniondeb, annibyniaeth a didueddrwydd hefyd wedi'u
hysgrifennu yn y Siarter; yn ogystal â disgwyliadau a chyfrifoldebau'r Pennaeth
Archwilio Mewnol enwebedig, gan Gyngor Bwrdeistref Sirol Penfro. Nodwyd y bydd y
Siarter yn cael ei hadolygu o bryd i'w gilydd gan y Pennaeth Archwilio Mewnol
(Cyngor Bwrdeistref Sirol Penfro). Yn ogystal, cadarnhawyd bod y Siarter
Archwilio Mewnol wedi'i hadrodd i Is-Bwyllgor Llywodraethu ac Archwilio
Cyd-bwyllgor Corfforedig De-orllewin Cymru; a phe bai angen unrhyw ddiwygiadau,
bydd yn cael ei gymryd yn ôl i'r Is-Bwyllgor hwn. PENDERFYNWYD: Bod y Cyd-bwyllgor yn
ystyried a chymeradwyo'r Siarter Archwilio Mewnol drafft ar gyfer Cyd-bwyllgor
Corfforedig De-orllewin Cymru. |
|
Cylch Gorchwyl diweddaredig y Pwyllgor Llywodraethu ac Archwilio PDF 235 KB Dogfennau ychwanegol: Cofnodion: Darparwyd y cylch
gorchwyl diweddaredig i Aelodau ar gyfer yr Is-Bwyllgor Llywodraethu ac Archwilio
Cyd-bwyllgor Corfforedig De-orllewin Cymru. Eglurwyd, yn ystod
cyfarfod cyntaf Is-Bwyllgor Llywodraethu ac Archwilio Cyd-bwyllgor Corfforedig
De-orllewin Cymru, gofynnodd Aelodau'r Pwyllgor a ellid strwythuro eu cylch
gorchwyl yn unol â chanllawiau Sefydliad Siartredig Cyllid Cyhoeddus a
Chyfrifyddiaeth diweddar ar Bwyllgorau Archwilio. Dywedodd Swyddogion
fod yr adroddiad a ddosbarthwyd yn cynnwys manylion ynghylch y diwygiadau
strwythurol i gylch gorchwyl yr Is-Bwyllgor. PENDERFYNWYD: Bod Aelodau'n cytuno
ar y cylch gorchwyl diwygiedig i'r Is-bwyllgor Llywodraethu ac Archwilio fel y
nodir yn Atodiad 1 o'r adroddiad a ddosbarthwyd. |
|
Cynllun Pensiwn Llywodraeth Leol yr Awdurdod Gweinyddu PDF 174 KB Cofnodion: Rhoddodd Swyddogion
adroddiad yn manylu ar awdurdod gweinyddu Cynllun Pensiwn Llywodraeth Leol
(CPLlL) a ddewiswyd ar gyfer Cyd-bwyllgor Corfforedig De-orllewin Cymru;
cadarnhawyd mai Cyngor Sir Caerfyrddin oedd hwn. Eglurwyd bod
Llywodraeth Cymru wedi cysylltu â Swyddogion ym mis Rhagfyr 2022, a oedd yn
gweithio gyda Llywodraeth y DU ynghylch deddfwriaeth y DU mewn perthynas â
Chyd-bwyllgorau Corfforedig; roedd gan bob rhanbarth derfyn amser byr i
ddarparu awdurdod gweinyddu Cynllun Pensiwn Llywodraeth Leol (CPLlL) o'u dewis
i Lywodraeth Cymru. Hysbyswyd yr Aelodau mai'r rheswm dros y cais hwn oedd
oherwydd bod Llywodraeth Cymru am ychwanegu hyn i'r ddeddfwriaeth, fel rhan o
ddatblygiad Gorchymyn Adran 150. Wrth benderfynu ar yr
awdurdod gweinyddu ar gyfer Cyd-bwyllgor Corfforedig De-orllewin Cymru,
dywedodd y Swyddogion eu bod wedi canolbwyntio ar ddau opsiwn; Cronfa Bensiwn
Dyfed a weithredir gan Gyngor Sir Caerfyrddin a Chronfa Bensiwn Dinas a Sir
Abertawe a weithredir gan Gyngor Abertawe. O ran buddion pensiwn
i ddarpar weithwyr y Cyd-bwyllgor Corfforedig, eglurwyd bod y ddau gynllun
pensiwn posib yn union yr un peth; gan fod buddion y cynlluniau yn cael eu
pennu gan ddeddfwriaeth y DU. Nodwyd bod Cyngor Sir
Caerfyrddin yn darparu'r cymorth ariannol i'r Cyd-bwyllgor Corfforedig, ac ef
oedd yr awdurdod gweinyddu ar gyfer Cronfa Bensiwn Dyfed; roedd Swyddog Adran
151 Cyngor Sir Caerfyrddin hefyd yn Swyddog Adran 151 ar gyfer y Cyd-bwyllgor
Corfforedig a Chronfa Bensiwn Dyfed. Yn ogystal, cyflogwyd unig weithiwr y
Cyd-bwyllgor Corfforedig ar hyn o bryd, drwy Gyngor Sir Caerfyrddin; a dyna pam
y daethpwyd i'r casgliad y dylid defnyddio Cronfa Bensiwn Dyfed. Hysbyswyd y Pwyllgor
fod y Swyddog Adran 151 wedi ymgynghori â chydweithwyr yng Nghyngor Abertawe, a
oedd yn cefnogi defnyddio Cronfa Bensiwn Dyfed ar gyfer y Cyd-bwyllgor
Corfforedig. Ychwanegwyd bod yr adroddiad a ddosbarthwyd yn rhoi'r wybodaeth
ddiweddaraf i Aelodau'r Cyd-bwyllgor Corfforedig ynghylch y mater hwn. |
|
Y diweddaraf am y Porthladd Rhydd a'r goblygiadau i'r Cynllun Ynni Rhanbarthol PDF 329 KB Cofnodion: Cafodd yr Aelodau yr
wybodaeth ddiweddaraf am gyflwyniad Porthladdoedd Rhydd a sut mae cais
llwyddiannus am Borthladd Rhydd yn cyd-fynd â'r weledigaeth a'r blaenoriaethau
yn y Strategaeth Ynni Rhanbarthol a'r Cynllun Cyflawni Economaidd Rhanbarthol. Cadarnhawyd ers
cyfarfod olaf Cyd-bwyllgor Corfforedig De-orllewin Cymru fod cais wedi ei
gyflwyno'n ffurfiol i'r ddwy lywodraeth am Borthladd Rhydd a fyddai'n
gwasanaethu porthladd Aberdaugleddau a phorthladd Port Talbot. Diolchwyd i
gydweithwyr yng Nghyngor Abertawe a Chyngor Sir Caerfyrddin am y llythyrau
cefnogi a gyflwynwyd ganddynt i'r ddau a oedd yn gwneud y penderfyniadau yn y
broses. Ers i'r cais gael ei
gyflwyno, tynnodd swyddogion sylw at y ffaith eu bod wedi bod yn canolbwyntio
eu hymdrechion ar y cyd ar wneud yn siŵr fod pobl yn ymwybodol o sail y
cais, a'u bod yn falch o gyhoeddi bod dros 100 o sefydliadau a oedd bellach yn
cefnogi'r cais yn gadarnhaol. Soniwyd y disgwyliwyd y penderfyniad ar y cais
tua dechrau mis Mawrth 2023. Yn y cyfamser,
esboniodd Swyddogion eu bod wedi bod yn manteisio ar gyfleoedd yn ymwneud â ffermydd
gwynt ar y môr arnofiol a'r agenda adnewyddadwy yn benodol, er mwyn cysylltu â
chydweithwyr Undebau Llafur i drafod yr ymrwymiadau gwaith teg a oedd wedi'u
cynnwys yn y cais am Borthladd Rhydd; bydd cyfarfodydd hefyd yn cael eu cynnal
gyda phrifysgolion a cholegau ar draws y rhanbarth yn ystod yr wythnosau nesaf,
i ddechrau archwilio'r cyfleoedd sy'n ymwneud â sgiliau a hyfforddiant, a'r
sector arloesi cyfan. Awgrymodd y Prif
Weithredwr fod Aelodau'r Cyd-bwyllgor Corfforedig yn cymryd rhan mewn gweithdy
i ystyried y canlynol mewn perthynas â'r cais am Borthladd Rhydd: ·
Trafod a deall pa fuddion y
gallai'r cais eu cynnig ·
Ymateb i bwyntiau yr oedd
cydweithwyr wedi eu codi o ran sut i sicrhau bod y rhanbarth cyfan yn elwa o'r
cais hwn ·
Nodi sut y mae'r cais yn
cysylltu â dyheadau datblygu economaidd ac ynni'r Cyd-bwyllgorau Corfforedig ·
Rhoi sylw i gyfleoedd posib y
cais ledled gweddill Cymru a thu hwnt Roedd yr holl
arweinwyr a oedd yn bresennol yn cefnogi cynnal gweithdy am gais am Borthladd
Rhydd ar gyfer Aelodau Cyd-bwyllgor Corfforedig De-orllewin Cymru. Awgrymwyd ysgrifennu
llythyr ar ran Cyd-bwyllgor Corfforedig De-orllewin Cymru, i nodi ei gefnogaeth
i'r cais; byddai cydweithwyr yn y Tîm Cyfathrebu'n gallu adlewyrchu llais pob
arweinydd wrth ddrafftio'r llythyr. Roedd pob arweinydd a
oedd yn bresennol o blaid llunio llythyr i adlewyrchu cefnogaeth Cyd-bwyllgorau
Corfforedig De-orllewin Cymru am y cais am Borthladd Rhydd. |
|
Y gyllideb ar gyfer blwyddyn ariannol 2023/24 PDF 726 KB Cofnodion: Roedd yr adroddiad a
ddosbarthwyd yn gofyn i Aelodau gytuno a gosod cyllideb Cyd-bwyllgor
Corfforedig De-orllewin Cymru ar gyfer blwyddyn ariannol 2023/24. Eglurwyd mai
Cyd-bwyllgor Corfforedig De-orllewin Cymru oedd yn gyfrifol am osod ei gyllideb
a chytuno ar yr ardoll i awdurdodau cyfansoddol; roedd yn rhaid gosod a chytuno
ar hyn cyn 31 Ionawr 2023. Yng nghyfarfod olaf
Cyd-bwyllgor Corfforedig De-orllewin Cymru, a gynhaliwyd ar 7 Rhagfyr 2022,
cyflwynwyd adroddiad drafft i'r Aelodau ar y gyllideb ar gyfer 2023/24; yn
ogystal â rhoi arwydd cynnar i'r Cyd-bwyllgor Corfforedig ei hun, roedd hefyd
yn caniatáu i Swyddogion roi arwyddion i'r awdurdodau cyfansoddol, at eu
dibenion cyllidebu eu hunain, yn enwedig o ran yr ardoll. Yn ystod y cyfarfod,
ystyriodd y Pwyllgor dri opsiwn; gan ystyried y pwysau a'r heriau ariannol
sylweddol roedd pob awdurdod lleol yn eu hwynebu. ·
Yr opsiwn cyntaf oedd cytuno i
flaenoriaethu gwaith Cyd-bwyllgor Corfforedig De-orllewin Cymru a gosod ardoll
yn unol â hynny; gyda chyllideb o tua £1.5 miliwn; ·
Opsiwn arall a ystyriwyd oedd
atal holl weithgareddau Cyd-bwyllgor Corfforedig De-orllewin Cymru; byddai hyn
wedi dwyn her gyfreithiol heb gymeradwyaeth gan Lywodraeth Cymru; ·
Yr opsiwn y cytunodd y
Pwyllgor arno oedd gwneud cyn lleied â phosib yn 2023/24 a lleihau maint y
gyllideb, gyda gwaith cyfyngedig yn cael ei wneud ym mhob un o'r ffrydiau
gwaith; byddai hyn yn caniatáu i gynnydd gael ei wneud ar bob un o'r pedair
ffrwd waith, fodd bynnag mewn modd llawer arafach. Eglurwyd bod yr
adroddiad a ddosbarthwyd yn adlewyrchu'r opsiwn a ddewiswyd i wneud y lleiaf
posib, ac roedd yn aildrefnu rhai o'r cyllidebau yn unol â hynny. Ychwanegodd
Swyddogion fod y gyllideb arfaethedig yn cyd-fynd â'r gyllideb a osodwyd ar
gyfer y flwyddyn bresennol; gosodwyd hyn ar oddeutu £575,000, a gosodwyd y
gyllideb arfaethedig ar gyfer 2023/24 ar oddeutu £617,000. Hysbyswyd yr Aelodau
fod pedair ffrwd waith clir o'r Cyd-bwyllgor Corfforedig, a bod swm gwerth
£20,000 wedi'i ddyrannu i bob un; roedd yr adroddiad yn nodi bod £140,000 hefyd
wedi ei neilltuo ar gyfer cynllunio a rheoli rhaglenni, a fyddai'n cynnwys
gwaith ar y Cynllun Corfforaethol, a nodi'r camau a'r mesurau amrywiol y mae
angen eu datblygu drwy hynny. Cyfeiriwyd at y camau
allweddol, fel y nodir yn yr adroddiad a ddosbarthwyd, ar gyfer yr
Is-Bwyllgorau; mae'r gweithredoedd yn nodi'n glir rai o'r syniadau cychwynnol
ar y gwaith y bydd angen ei wneud. Daethpwyd i'r casgliad
na fyddai Awdurdodau Parciau Cenedlaethol yn derbyn ardoll ar gyfer blwyddyn
ariannol 2023/24, gan nad oedd gwerth £20,000 yn cael ei ystyried yn ddigon
sylweddol i weithredu ardoll. Yn ogystal, nodwyd bod gofyniad yn y
ddeddfwriaeth, o ran Awdurdodau Parciau Cenedlaethol, mai ar gyfer eu hardal
berthnasol yn unig y byddai ardoll yn cael ei chodi, sef cynllunio strategol.
Cadarnhaodd Swyddogion y byddai'r trefniant yma'n gyson â chyllideb y llynedd,
oherwydd y gweithgarwch cyfyngedig o ran y datblygiad cynllunio strategol. Roedd yr Aelodau'n
ymwybodol o gamgymeriad swm ar adran 2.4 o'r adroddiad a ddosbarthwyd; Dylai'r
ffigur ddarllen £140,000. Hysbyswyd y Pwyllgor fod y gyllideb ... Gweld y cofnodion lawn ar gyfer eitem 8. |
|
Eitemau brys Cofnodion: Ni dderbyniwyd unrhyw eitemau brys. |