Agenda a Chofnodion

PENDERFYNWYD:

·       Bod yr Aelod Lleyg, Joanna Jenkins, yn cael ei phenodi'n Gadeirydd y Pwyllgor ar gyfer Blwyddyn Ddinesig 2023/24

·       Bod yr Aelod Lleyg, Helen Griffiths, yn cael ei benodi'n Ddirprwy Gadeirydd y Pwyllgor ar gyfer Blwyddyn Ddinesig 2023/24

Croesawodd y Cadeirydd bawb i'r cyfarfod.

Derbyniwyd y Datganiadau o Fuddiannau canlynol yn ystod y drafodaeth am yr eitem agenda berthnasol:

Cymeradwywyd cofnodion y cyfarfod blaenorol a gynhaliwyd ar 17 Mawrth 2023 fel cofnod cywir.

Nodwyd y Blaenraglen Waith.

Darparwyd fersiwn wedi'i diweddaru i'r aelodau o Gofrestr Adroddiadau ac Argymhellion y Rheoleiddwyr.

Amlygwyd bod yr adroddiad a ddosbarthwyd yn manylu ar drosolwg o'r Adroddiadau Rheoleiddwyr a dderbyniwyd ers cyfarfod diwethaf y Pwyllgor Llywodraethu ac Archwilio; a lle, os o gwbl, y cymerwyd camau gweithredu ar argymhellion a gynhwysir yn yr adroddiadau hynny.

PENDERFYNWYD:

Bod yr adroddiad yn cael ei nodi.

Cyflwynwyd Datganiad Llywodraethu Blynyddol drafft y cyngor ar gyfer 2022-2023 i'r Pwyllgor.

Eglurwyd y tynnwyd sylw'r Pwyllgor Llywodraethu ac Archwilio at yr adroddiad er mwyn i'r Pwyllgor adolygu'r wybodaeth, ac i sicrhau bod gan y cyngor weithdrefnau llywodraethu cadarn ar waith.

Holodd yr Aelodau pam fod y Cynllun Gweithredu Gwella Llywodraethu ar gyfer 2023/24 wedi'i lofnodi gan y Prif Weithredwr ac Arweinydd Cyngor Castell-nedd Port Talbot, ond heb ei ddyddio. Cadarnhaodd swyddogion fod yr adroddiad a ddosbarthwyd yn fersiwn ddrafft i'w hadolygu; a bydd yn cael ei dyddio ar ôl iddo gael ei chymeradwyo gan y Cabinet.

PENDERFYNWYD:

Bod yr adroddiad yn cael ei nodi.

Cyflwynodd swyddogion y Polisi Rheoli Risgiau Corfforedig i'r Pwyllgor.

PENDERFYNWYD:

Bod yr adroddiad yn cael ei nodi.

Cyflwynwyd Datganiad o Gyfrifon Drafft ar gyfer 2022/23 i'r Aelodau.

Amlygwyd bod y Datganiad Cyfrifon Drafft wedi'i ddarparu i Swyddfa Archwilio Cymru er mwyn iddynt ddechrau ar eu gwaith archwilio; bydd y cyfrifon yn cael eu cyflwyno eto i'r Pwyllgor unwaith y bydd y gwaith hwn wedi'i gwblhau.

PENDERFYNWYD:

Bod yr adroddiad yn cael ei nodi.

Cyflwynwyd fersiwn ddiwygiedig y Strategaeth Gwrth-Dwyll a Llygredd gerbron y Pwyllgor, er mwyn i'r Aelodau gynorthwyo i gyflawni eu dyletswyddau mewn perthynas â gwasanaethau archwilio.

PENDERFYNWYD:

Bod yr adroddiad yn cael ei nodi.

Roedd yr adroddiad a ddosbarthwyd yn rhoi manylion am y gwaith archwilio mewnol a wnaed ers cyfarfod diwethaf y Pwyllgor Llywodraethu ac Archwilio ar 17 Mawrth 2023.

Cadarnhawyd mai dim ond un adroddiad a gyhoeddwyd gyda sicrwydd cyfyngedig allan o'r holl adroddiadau a gyhoeddwyd, a manylwyd arno yn yr adroddiad a ddosbarthwyd fel 'Adeiladau'r Cyngor'. Soniodd swyddogion fod y rhan fwyaf o'r gwiriadau adeiladu angenrheidiol yn cael eu cynnal a bod sicrwydd cyfyngedig wedi'i roi yn seiliedig ar weinyddiaeth.

PENDERFYNWYD:

Bod yr adroddiad yn cael ei nodi.

Derbyniodd y Pwyllgor Adroddiad Blynyddol Archwilio Mewnol 2022/23.

Nodwyd bod yr adroddiad a ddosbarthwyd yn rhoi sicrwydd o ran y gwaith archwilio a wnaed a'r trefniadau llywodraethu. Cadarnhaodd swyddogion fod y Pennaeth Archwilio Mewnol wedi rhoi sgôr sicrwydd rhesymol eleni; ni all sicrwydd byth fod yn absoliwt, a'r sgôr hon yw'r uchaf y gellid ei darparu.

PENDERFYNWYD:

Bod yr adroddiad yn cael ei nodi.

Cyflwynwyd fersiwn ddrafft Adroddiad Blynyddol y Pwyllgor Llywodraethu ac Archwilio 2022/23 i'r Aelodau; lluniwyd yr adroddiad a ddosbarthwyd gan Gadeirydd y Pwyllgor.

PENDERFYNWYD:

Bod adroddiad blynyddol drafft y Pwyllgor Llywodraethu ac Archwilio 2022-23 yn cael ei adolygu a'i gymeradwyo gan Aelodau, cyn iddo gael ei gyflwyno i'r Cyngor Llawn.

Ni dderbyniwyd unrhyw eitemau brys.

Mae hynny'n unol ag Adran 100A(4) a (5) o Ddeddf Llywodraeth Leol 1972, ac eithrio'r cyhoedd am yr eitemau canlynol o fusnes a oedd yn ymwneud â datgelu gwybodaeth wedi'i heithrio'n debygol fel y'i diffinnir ym Mharagraff 12 a 15 o Ran 4 o Atodlen 12A o'r Ddeddf uchod.

PENDERFYNWYD:Yn unol ag Adran 100A(4) a (5) o Ddeddf Llywodraeth Leol 1972, gwahardd y cyhoedd o'r eitemau busnes canlynol a oedd yn cynnwys datganiadau posib o wybodaeth eithriedig, fel a ddiffinnir ym Mharagraff 12, 13 ac 14 o Ran 4 Atodlen 12A y Ddeddf uchod.

Rhoddodd Swyddogion yr wybodaeth ddiweddaraf am bob adroddiad ymchwiliad arbennig a gyhoeddwyd ers y cyfarfod diwethaf; gan gynnwys manylion yr holl ymchwiliadau arbennig cyfredol.

PENDERFYNWYD:

Bod yr adroddiad yn cael ei nodi.