Agenda a Chofnodion

Cyd-bwyllgor Craffu Dinas-ranbarth Bae Abertawe - Dydd Mawrth, 8fed Hydref, 2024 2.30 pm

Lleoliad: Multi-Location Meeting - Council Chamber, Port Talbot & Microsoft Teams. Cyfarwyddiadau

Cyswllt: Tom Rees  E-bost: t.rees1@npt.gov.uk

Eitemau
Rhif Eitem

1.

Cyhoeddiadau'r Cadeirydd

Cofnodion:

Croesawodd y Cadeirydd bawb i'r cyfarfod. Cadarnhaodd y Cadeirydd fod y Gwasanaethau Democrataidd wedi derbyn ymddiheuriadau gan y Cynghorydd R.Wood a'r Cynghorydd J. Curtice.

2.

Datganiadau o fuddiannau

Cofnodion:

Ni chafwyd unrhyw ddatganiadau.

3.

Cofnodion y cyfarfod blaenorol pdf eicon PDF 251 KB

Cymeradwyo cofnodion y cyfarfod a gynhaliwyd ar 25/07/24 fel cofnod cywir.

Cofnodion:

Cymeradwywyd cofnodion y cyfarfod a gynhaliwyd ar 25/07/24 fel cofnod cywir.

4.

Y Diweddaraf am Gynnydd Cefnogi Arloesedd a Thwf Carbon Isel pdf eicon PDF 475 KB

Cofnodion:

Rhoddodd Lisa Willis, Rheolwr y Rhaglenni Ariannu Strategol, yr wybodaeth ddiweddaraf i'r aelodau am gynnydd y rhaglen cefnogi arloesedd a thwf carbon isel.

 

Rhoddwyd gwybod i'r Aelodau fod rheolwr blaenorol y rhaglen wedi cymryd rôl arall yng Nghyngor Sir Castell-nedd Port Talbot ac mae'r rôl wedi cael ei hysbysebu ond heb ei llenwi. Mae Lisa Willis wedi cymryd yr awenau fel rheolwr y rhaglen ac mae ei swyddog raglen yn ei chefnogi.

 

Rhoddwyd gwybod i'r Aelodau fod gan bob un o'r prosiectau ei reolwr prosiect ei hun sy'n adrodd i Lisa Willis, felly nid oes risg i gyflawniad oherwydd y newid.

 

Rhoddwyd trosolwg i'r aelodau o bob un o'r 8 prosiect rhyng-gysylltiedig a nod pob un ohonynt yw sicrhau twf economaidd carbon isel, cynaliadwy a chynhwysol i'r rhanbarth.

Canolfan Dechnoleg y Bae

Rhoddwyd gwybod i'r aelodau mai adeilad ynni-gadarnhaol hybrid yw hwn, ac ar hyn o bryd mae 53% ohono wedi'i lenwi. Eglurodd swyddogion y disgwylir i dri chwmni arwyddo prif delerau ac roedd swyddogion hefyd ar fin cyhoeddi prif delerau eraill i gwmni arall. Ar hyn o bryd mae swyddogion yn cynnal trafodaethau gyda chwmni ychwanegol; byddai hyn yn golygu y dylai 5 cwmni arall ymuno dros y ddau fis nesaf.

Rhoddwyd gwybod i'r Aelodau bod y cyfleuster yn cael ei hyrwyddo drwy'r wefan a thrwy gyfryngau cymdeithasol ac mai'r tenant diweddaraf i gyrraedd yw'r Catapwlt Cynhyrchu Gwerth Uchel ac mae wedi sefydlu swyddfa yng Nghanolfan Dechnoleg y Bae. Rhoddwyd gwybod i'r aelodau fod ganddynt offer o'r radd flaenaf sy'n cefnogi busnesau ar draws y rhanbarth, Cymru a'r DU.

 

Canolfan Ddiwydiannol Pontio o Garbon De Cymru (SWITCH)

Dywedodd swyddogion fod SWITCH yn cefnogi datgarboneiddio'r diwydiant dur a metelau a Phrifysgol Abertawe yw'r partner cyflawni. Rhoddwyd gwybod i'r Aelodau fod y cam dylunio 12 mis wedi dod i ben gydag ymgynghoriad cyn ymgeisio y bwriedir ei gyflwyno'n fuan a bydd cam adeiladu 15-18 mis yn dilyn hyn a disgwylir iddo gael ei gwblhau ar ddiwedd 2026.

Roedd swyddogion yn teimlo bod hwn yn brosiect cyffrous, ac mae hefyd wedi addasu i newidiadau gyda chyhoeddiad Tata Steel sy'n edrych ar ddatgarboneiddio dur yn ogystal â'r diwydiant dur a metelau ar draws y rhanbarth.

Cyfleuster cynhyrchu gweithgynhyrchu uwch

Rhoddwyd gwybod i'r Aelodau y bu oedi gyda'r prosiect hwn o ran trafod opsiynau tir a sicrhau ei fod yn cyd-fynd â'r dirwedd arloesi.

Mae swyddogion yn siarad â Llywodraeth Cymru ynghylch yr ardaloedd tir ac yn ymgysylltu â phartneriaid ar hyn. Rhoddwyd gwybod i'r Aelodau hefyd fod llawer o ddiddordeb yn hyn o ran arallgyfeirio diwydiant ar draws Castell-nedd Port Talbot a'r rhanbarth ehangach.

Canolfan Rhagoriaeth Sgiliau Sero Net

Bydd hyn yn rhannu'r un lleoliad â'r cyfleuster cynhyrchu gweithgynhyrchu uwch ac mae swyddogion yn edrych ar ei leoliad ac yn trafod sawl opsiwn o ran tir.

Prosiect ysgogi hydrogen

Dywedwyd wrth yr aelodau fod y prosiect hwn mewn dwy ran. Prifysgol De  ...  Gweld y cofnodion lawn ar gyfer eitem 4.

5.

Portffolio Monitro Chwarterol Bargen Ddinesig Bae Abertawe pdf eicon PDF 635 KB

Dogfennau ychwanegol:

Cofnodion:

Rhoddodd Johnathan Burnes drosolwg i'r aelodau o adroddiad portffolio Monitro Chwarterol Bargen Ddinesig Bae Abertawe fel y'i cynhwysir yn y pecyn agenda.

 

Nododd aelodau mai 9,700 yw'r targed ar gyfer swyddi ar hyn o bryd, ond mae'r adroddiad yn dweud bod 615 o swyddi erbyn hyn. Gofynnodd yr aelodau pryd mae swyddogion yn credu y byddai'n dod yn agosach at y targed.

 

Atgoffodd swyddogion yr aelodau fod fframwaith gwerthuso wedi'i gyflwyno yn y cyfarfod diwethaf ac yn hynny roedd amserlenni awgrymedig o bryd y bydd pob prosiect yn gwerthuso elfennau o'u prosiectau.

 

Dywedodd swyddogion y byddant yn edrych ar effaith ehangach yr adeiladau ac nid gwaith codi'r adeilad yn unig. Pan fydd y gwerthusiadau hynny'n cael eu llunio a'u rhoi drwy'r system, bydd aelodau'n dechrau gweld niferoedd y swyddi yn cynyddu'n gyflym.

 

Rhoddwyd gwybod i'r aelodau o ran pryd y byddant yn cael yr adroddiadau, a'r un cyntaf fydd cam un Yr Egin a bydd hynny'n mynd i'r cydbwyllgor ym mis Rhagfyr ar gyfer eu gwerthusiad economaidd. Marina Abertawe fyddai nesaf, ac yna Arena Abertawe. Ar ôl hynny, bydd cyfres gyfan o bethau a fydd yn digwydd dros y blynyddoedd nesaf.

 

Dywedodd swyddogion eu bod yn cynnal gwerthusiad economaidd o brosiectau ar ôl o leiaf blwyddyn neu ddwy o weithredu a rhoddwyd enghraifft o brosiect SWITCH na fydd yn cael ei gwblhau ar ddiwedd 2026. Mae hyn yn dangos y gallai'r gwerthusiadau fynd hyd at oddeutu 2028/2029.

 

Gofynnodd yr aelodau am eglurhad ynghylch y ffigurau ar yr adroddiad. Nododd yr aelodau nad yw cyfanswm y targed buddsoddi wedi newid o'r adroddiad blaenorol, sef £1262.19m, a chyfanswm y buddsoddiad hyd yn hyn yw £318.23m. Nododd yr Aelodau, os ydych yn darllen y gwariant ariannol ar gyfer chwarter pedwar y llynedd a'r adroddiad diweddaru blynyddol, mae cyfanswm y targed buddsoddi'n ffigwr gwahanol, sef £1278.27m ar gyfer chwarter pedwar y llynedd ac mai cyfanswm y buddsoddiad hyd yn hyn yw £354m. Ceisiodd yr aelodau eglurhad o ran a oedden nhw'n darllen y ffigurau'n anghywir neu a yw'r ffigurau yn yr adroddiad yn anghywir.

 

Dywedodd swyddogion y byddent yn gwirio'r rhesymau y tu ôl i'r amrywiad eto a dywedodd y byddent yn rhoi ateb ffurfiol i'r aelodau'n ysgrifenedig drwy'r Cadeirydd i esbonio pam mae amrywiaeth yn y gwerthoedd.

 

Dywedodd yr Aelodau fod Cyngor Sir Penfro'n bryderus iawn ar hyn o bryd gyda'r Porthladd Rhydd Celtaidd a gofynnwyd pa effaith y mae'r porthladd rhydd yn ei chael ar y Fargen Ddinesig, neu a fydd yn cael unrhyw effaith ar gynlluniau'r Fargen Ddinesig.

 

Dywedodd swyddogion eu bod wedi canfod mewn perthynas â Bargen Ddinesig Bae Abertawe, fod llawer o'r partneriaid sy'n ymwneud â'r fargen ddinesig a'r porthladdoedd rhydd. Mae'r uwch berchnogion cyfrifol, fel Nicola Pearce, sef Cyfarwyddwr yr Amgylchedd ac Adfywio yng Nghastell-nedd Port Talbot a Rachel Moxie o Gyngor Sir Penfro, yn uwch berchnogion cyfrifol ar gyfer prosiectau'r fargen ddinesig.

Dywedodd  ...  Gweld y cofnodion lawn ar gyfer eitem 5.

6.

Adroddiad Monitro Ariannol 2023/24 - Sefyllfa Alldro Dros Dro Ch4 pdf eicon PDF 1 MB

Cofnodion:

Rhoddodd Stephen Aldred-Jones drosolwg i'r aelodau o'r adroddiad fel y'i cynhwysir yn y pecyn agenda.

 

Gofynnodd yr Aelodau beth oedd ystyr 'dangosir bod y sefyllfa fuddsoddi amcangyfrifedig gyffredinol ar £1.278 biliwn'. Eglurodd swyddogion fod y ffigwr yn cynnwys grant y fargen ddinesig gan Lywodraethau Cymru a'r DU o £241m ac mae hefyd yn cynnwys yr arian y mae cyrff eraill yn y sector cyhoeddus yn ei roi iddo, ynghyd â buddsoddiad y sector preifat. £1.278 biliwn yw'r cyfanswm terfynol.

 

Tynnodd yr aelodau sylw at y gyllideb fuddsoddi gyffredinol a gofynnwyd ai 'arian dyledus' oedd hwn.

 

Eglurodd swyddogion mai dyma'r grantiau y mae'r Fargen Ddinesig wedi'u derbyn oddi wrth Lywodraethau Cymru a'r DU ac mai balans hyn ar ddiwedd 23/24 oedd £54.4 miliwn.

 

Esboniodd swyddogion fod y cyfrif wedi ennill llog wrth aros am y dyraniadau grantiau gael eu rhoi i bartneriaid unigol yr awdurdod.

 

Mae'r partneriaid wedi bod yn aros i gyflwyno'u hawliadau ond nid ydynt wedi gallu gwneud hynny hyd yn hyn oherwydd oedi ar brosiectau.

Talwyd y llog a enillwyd yn y cyfrif i'r awdurdodau unigol ar sail pro rata.

 

Esboniodd y swyddogion y bydd yr arian a ddelir yn y cyfrif yn cael ei dalu i'r partneriaid pan fyddant yn gwneud eu hawliadau pan fydd y prosiectau'n dal i fyny ar ôl yr oedi.

 

Gofynnodd yr aelodau gan fod llywodraeth newydd bellach yn San Steffan, a fydd yr holl gyllid yn dal i gael ei sicrhau ar gyfer bargen ddinesig Bae Abertawe ac a oes unrhyw risg y gellid tynnu unrhyw ran o hwnnw'n ôl?

 

Dywedodd swyddogion eu bod wedi cael sicrwydd sawl tro bod y cyfan wedi'i neilltuo a'i fod yn ddiogel, gan dybio bod popeth yn mynd yn ei flaen fel y'i cynlluniwyd yn ôl yr hyn a nodwyd yn yr achosion busnes.

Dywedodd swyddogion y byddai'n rhaid iddynt fynd trwy gais newid os nad yw hyn yn digwydd, a gellid anfon hwnnw at y llywodraethau i'w gymeradwyo gan ddibynnu ar yr hyn y gallai'r newidiadau hynny ei olygu. Ailadroddodd swyddogion ynghylch y statws presennol a bod yr arian wedi'i neilltuo a'i fod yn cael ei ddarparu ar draws y portffolio.

 

Nododd swyddogion fod bargeinion dinesig a thwf eraill ledled y wlad, a bod yr Alban a Gogledd Iwerddon wedi cael eu hysbysu bod yn rhaid iddynt aros tan yr adolygiad gwariant cynhwysfawr yn ddiweddarach yn y flwyddyn i benderfynu a yw'r arian hwnnw'n cael ei ryddhau ar gyfer y bargeinion dinesig a thwf hynny, oni bai eu bod wedi dechrau eu cyflwyno. Nid yw Bargen Ddinesig Bae Abertawe yn y sefyllfa honno ar hyn o bryd. 

Rhoddodd yr wybodaeth hon sicrwydd i'r aelodau.

 

Nodwyd yr adroddiad.

7.

Rhagarchwiliad o'r Datganiad o Gyfrifon Blynyddol pdf eicon PDF 245 KB

Dogfennau ychwanegol:

Cofnodion:

Cyflwynodd Stephen Aldred-Jones yr adroddiad yn unol â'r pecyn agenda a rhoddodd gyd-destun i'r aelodau mai Cyngor Sir Gâr yw'r corff atebol sy'n gyfrifol am stiwardiaeth ariannol Bargen Ddinesig Bae Abertawe a dyma'r bedwaredd flwyddyn lle bu'n rhaid i swyddogion lunio datganiad cyfrifon yn unol â chyfrifon a rheoliadau Archwilio Cymru.

 

Rhoddwyd gwybod i'r Aelodau fod y rhagarchwiliad o'r datganiad yn cael ei archwilio gan Archwilio Cymru ar hyn o bryd yn unol â'i chynllun archwilio manwl a bydd unrhyw ddiwygiadau a nodir yn cael eu nodi yn adroddiad ISA 260.

 

Diolchodd yr aelodau i'r swyddogion am yr adroddiad ond nid oedd ganddynt unrhyw gwestiynau.

 

Nodwyd yr adroddiad.

8.

Adroddiad Blynyddol Bargen Ddinesig Bae Abertawe pdf eicon PDF 464 KB

Dogfennau ychwanegol:

Cofnodion:

Atgoffodd y Cadeirydd yr aelodau bod ganddynt Atodiad 8A, sef Adroddiad Blynyddol Bargen Ddinesig Bae Abertawe 2023/24, sy'n ymwneud â'r eitem hon, ac felly byddant yn cymryd Eitem 8 ac Atodiad 8A ar yr un pryd.

 

Rhoddodd Jonathan Burnes drosolwg i'r aelodau o'r adroddiad sydd wedi'i gynnwys yn y pecyn agenda. Rhoddwyd gwybod i'r aelodau mai dyma'r drydedd fersiwn o adroddiad blynyddol Bargen Ddinesig Abertawe ac eglurodd fod yr adroddiad yn anelu at grynhoi a dathlu'r holl gyflawniadau a cherrig milltir allweddol rhwng Ebrill '23 a Mawrth '24, gan atgyfnerthu popeth y byddai swyddogion yn ei ddisgwyl ynghylch aliniad y Fargen Ddinesig a'r pwysigrwydd i'r economi ranbarthol, gan sicrhau bod mewnwelediad i randdeiliaid ei ddarllen am yr hyn sy'n digwydd neu a ddigwyddodd yn ystod y flwyddyn ddiwethaf a beth y disgwylir iddo ddigwydd yn y flwyddyn ariannol hon.

 

Mae swyddogion yn gweithio gyda holl dimau'r prosiect, yr uwch berchnogion cyfrifol, y partneriaid cyflenwi allweddol a bwrdd y rhaglen etc., i sicrhau eu bod yn casglu cymaint o wybodaeth ag y gallant ac yn ei phrosesu mewn ffordd mor gryno â phosib.

 

Amlygodd yr aelodau ei fod yn gadarnhaol gweld yr holl waith da sy'n digwydd ar draws y rhanbarth a'r holl brosiectau a nodwyd ei bod yn eithaf cadarnhaol gweld yr holl newidiadau a'r datblygiad, a chanmolwyd y tîm cyfan am y gwaith y maent yn ei wneud.

 

Nodwyd yr adroddiad.

9.

Adroddiad Blynyddol Bargen Ddinesig Bae Abertawe 2023-24 pdf eicon PDF 10 MB

Dogfennau ychwanegol:

Cofnodion:

Nodwyd yr adroddiad.

10.

Adroddiad Adolygiad yr Asesiad Effaith Adeiladu pdf eicon PDF 397 KB

Cofnodion:

Rhoddodd Jonathan Burnes drosolwg i'r aelodau ynghylch Adroddiad Adolygiad yr Asesiad Effaith ar Adeiladu.

 

Rhoddwyd gwybod i'r aelodau fod yr asesiad effaith ar adeiladu yn adroddiad chwarterol y mae swyddogion yn ei lunio.

 

Rhoddwyd gwybod i'r aelodau nad oes unrhyw newid o'r chwarter blaenorol o ran yr asesiad effaith ar adeiladu.

 

Esboniodd swyddogion mai'r bwlch ariannu cyffredinol yw £43.5 miliwn a bu cyfres o fesurau lliniaru i lenwi'r bwlch hwnnw.

 

Dywedodd swyddogion fod bwlch gweddilliol o £12 miliwn bellach, ac mae prosiectau'n gweithio ar hynny hefyd.

 

Cafodd yr aelodau wybod mai dim ond un risg sy'n cael ei ychwanegu ar gyfer Pentre Awel, sy'n ymwneud ag oedi wrth adeiladu.

 

Atgoffodd swyddogion yr aelodau mai'r mesurau lliniaru allweddol yw naill ai i nodi ffynonellau cyllid ychwanegol i lenwi'r bylchau, ailedrych ar y briff dylunio neu'r cwmpas a mynd i drafodaethau hirach gyda chontractwyr Haen 1 a'r gadwyn gyflenwi ynghylch costau cynyddol.

 

Gofynnodd yr aelodau a ddefnyddiwyd unrhyw beirianneg gwerth hefyd?

 

Dywedodd swyddogion fod adeiladwaith adeiladau wedi bod yn un o'r mesurau lliniaru ynghyd â'r dewis o leoliad yr adeiladau a'u maint.

 

Rhoddwyd gwybod i'r aelodau, o ran y cwmpas, fod swyddogion wedi nodi, drwy unrhyw newid briff dylunio neu newidiadau cwmpas, nad yw'n newid canlyniad yr hyn a fydd yn digwydd o ganlyniad.

 

Defnyddiodd swyddogion esiampl cyfleuster cynhyrchu SWITCH, y cyfleuster datgarboneiddio dur yng Nghastell-nedd Port Talbot a Phrifysgol Abertawe. Mae maint yr adeilad yn llai oherwydd ei fod yn faint bras, ond gall gynnal yr hyn y maent wedi'i gynllunio iddo ei gynnal yn wreiddiol o hyd. Esboniodd swyddogion eu bod yn torri'n ôl heb effeithio ar y canlyniadau cyflwyno.

 

Rhoddodd swyddogion yr esiampl hefyd eu bod wedi haneru maint y ffasâd o wydr ar gynllun Pentre Awel i leihau cost cynhyrchu a chludo'r gwydr i'r safle. Newidiodd y prosiect matrics eu hadeiladwaith hefyd.

 

Atgoffwyd yr aelodau fod deunyddiau, costau, tanwydd a phrisiau ynni'n uwch nag yr oeddent pan ddatblygwyd yr achosion busnes. Er y bydd cost uwch, mae swyddogion yn lleihau hynny drwy'r mesurau lliniaru ac yn cau'r bwlch hwnnw.

 

Rhoddwyd gwybod i'r aelodau fod Bwrdd y Rhaglen wedi gofyn i swyddogion ailasesu ac ail-lunio'r Asesiad Effaith ar Adeiladu a gofyn iddynt edrych ar 4 maes. 

 

Gwerth am arian wrth ddyrannu arian cyhoeddus.

Hyblygrwydd o ran caffael, yn enwedig mewn fframweithiau.

Llywio adolygiad ar gyfer y strategaeth gaffael ranbarthol.

Datrysiadau partneriaeth i fynd i'r afael â'r materion o ran sgiliau sy'n effeithio ar y diwydiant adeiladu.

 

Mewn perthynas â chaffael, dywedodd yr aelodau nad ydynt yn cefnogi'n gryf y syniad o gael rhestr o gontractwyr i alw arnynt i gynorthwyo yn y rhaglenni. Gofynnodd aelodau a roddir unrhyw lwyth i gwmnïau lleol?

 

Esboniodd swyddogion o ran y sefyllfa â chontractwyr haen 1 eu bod yn cael eu rhwystro'n anffodus gan nifer y  ...  Gweld y cofnodion lawn ar gyfer eitem 10.

11.

Adroddiad am gyflwyno digwyddiadau lleol Cwrdd â'r Fargen Ddinesig 2023/24 pdf eicon PDF 358 KB

Cofnodion:

Rhoddodd Jonathan Burnes wybod i'r aelodau ei fod yn adroddiad cadarnhaol ac eglurodd fod dathliad wedi'i gynnal yn 2022 bod Bargen Ddinesig Bae Abertawe'n cael ei chyflawni'n llawn gyda digwyddiad a gynhaliwyd ym Mharc y Scarlets. Canfu'r swyddogion, er ei fod wedi mynd yn dda, a bod ganddynt lawer o fynychwyr, eu bod yn ystyried y mynychwyr fel y rheini y byddent yn eu disgwyl bob tro o ran swyddogion y llywodraeth, swyddfeydd a busnesau'r llywodraeth a rhanddeiliaid allweddol amrywiol eraill ar gyfer y fargen ddinesig.

Derbyniodd swyddogion adborth o'r digwyddiad sef y dylent fynd allan i bedair ardal yr awdurdod lleol a chynnal 'digwyddiad cwrdd â'r fargen ddinesig', sef yr hyn y maent wedi'i gynnal ac yr oedd yn sail yr adroddiad.

 

Rhoddwyd gwybod i'r aelodau y cynhaliwyd pedwar digwyddiad a oedd yn canolbwyntio ar yr ardal leol y flwyddyn ariannol ddiwethaf. Roedd ganddynt dros 30 o arddangoswyr. Gweithiodd swyddogion mewn partneriaeth â llawer o sefydliadau sy'n helpu i gefnogi busnesau, ac roedd cynrychiolydd o bob un ohonynt yn bresennol yn y pedwar digwyddiad.

 

Roedd dros 500 o gofrestriadau, ac roedd 58% o'r cofrestriadau hynny yn bresennol ynddynt. Roedd swyddogion yn teimlo bod hynny'n wych ac roeddent yn falch bod tua 3/4 o'r mynychwyr yn dod o'r sector preifat a chanfu fod y mynychwyr yn cwrdd â phrosiectau nad oeddent o reidrwydd yn eu hardal leol. Roedd hyn yn caniatáu iddynt siarad am synergeddau a chyfleoedd a chafwyd sgyrsiau rhwng y prosiectau a'r arddangoswyr a gefnogodd y digwyddiad.

 

Rhoddwyd gwybod i'r aelodau fod 80% o'r rheini a fu'n bresennol wedi dweud bod y digwyddiadau'n ddefnyddiol neu'n ddefnyddiol iawn, a theimlai swyddogion eu bod yn dangos bod y digwyddiadau hynny'n llwyddiannus a'u bod yn gweithio. Esboniodd swyddogion eu bod yn mynd i edrych ar y gyfres nesaf o ddigwyddiadau y gallant eu cynnal ac y cynhelir y rheini o fewn y chwarter nesaf.

Gofynnodd yr aelodau i'r Pwyllgor Craffu gael eu gwahodd i'r digwyddiadau Cwrdd â'r Fargen Ddinesig newydd i weld beth sy'n digwydd ynddynt.

 

Cytunodd y Cadeirydd a'r swyddogion y byddai hynny'n syniad da gan y byddent yn cael cwrdd â'r timau ar lawr gwlad a gweld pethau ar draws y portffolio.

 

Nododd y Cadeirydd fod rhai aelodau eisoes wedi mynd i'r digwyddiadau, gan gynnwys ef ei hun.

 

Nodwyd yr adroddiad.

12.

Blaenraglen Waith 2024/25 pdf eicon PDF 134 KB

Cofnodion:

Nododd aelodau'r pwyllgor y Flaenraglen Waith.

 

13.

Eitemau Brys

Unrhyw eitemau brys yn ôl disgresiwn y Cadeirydd yn unol ag Adran 100B(6)(b) o Ddeddf Llywodraeth Leol 1972 (fel y'i diwygiwyd).

Cofnodion:

Ni chafwyd unrhyw eitemau brys.