Agenda a Chofnodion

Derbyniwyd ymddiheuriadau gan y Cynghorwyr Brian Hall a Jan Curtice, a Jonathan Burnes, Cyfarwyddwr Rhaglenni.

Ni chafwyd unrhyw ddatganiadau.

Cyflwynwyd yr adroddiad gan Phil Ryder, Rheolwr Portffolio, a dywedodd fod dwy elfen iddo; y dangosfwrdd a chrynodeb a ddarparwyd gan y prosiectau.

Amlinellodd y data a gasglwyd o fewn y dangosfwrdd, a oedd wedi'i gynnwys yn yr adroddiad.

Roedd yr agweddau allweddol o'r prif raglenni a'r prosiectau fel a ganlyn:

-       Canolfan Dechnoleg y Bae; roedd yn parhau i gymryd ymweliadau gan ddarpar denantiaid, gan obeithio gweld tenantiaid yn meddiannu'r rhain a llenwi’r adeilad yn fuan.

-       Cronfa Datblygu Eiddo; fe’i lansiwyd ym mis mynegiannau o ddiddordebau wedi'u cwblhau ac roeddent yn cael eu hadolygu gan dîm y prosiect.

-       Prosiect Morol Doc Penfro (PMDP); roedd yr elfen isadeiledd wedi cychwyn gyda datblygiad y llithrfa. Roedd y problemau ariannol oherwydd y newid i ofynion y llithrfa bellach wedi’u goresgyn.

-       Parth Arddangos Sir Benfro (PASB); dyfarnwyd cwmpasu amgylcheddol a chaffael technegol, ac roedd ffrydiau gwaith technegol ac amgylcheddol ar waith.

-       Ardal Prawf Ynni Morol (META); Cynhaliodd staff y prosiect META weithdy ar gyfer 10 myfyrwyr peirianneg blwyddyn 10 yng Ngholeg Sir Benfro gan gynyddu ymwybyddiaeth o'r diwydiant a’r cyfleoedd sy'n dod i'r amlwg yn Sir Benfro.

-       Canolfan Ragoriaeth Peirianneg Ynni Morol (MEECE); roeddent wedi rhoi cyflwyniad i Fforwm Gweithgynhyrchu ac Arloesedd Cyngor Castell-nedd Port Talbot. Hefyd cyflwynwyd papur ganddynt yng Nghynhadledd Peirianneg Cefnforoedd, Alltraeth a'r Arctig (OMAE) yn Hamburg.

-       Pentre Awel; Cymeradwywyd y Cais Materion a Gadwyd yn Ôl (RMA) yn unfrydol yn y Pwyllgor Cynllunio ym mis Mehefin 2022. Mae partneriaeth strategol â Phrifysgol Caerdydd ar waith i arwain ar swyddogaethau arloesedd a datblygu busnes, gan adeiladu ar eu partneriaeth a'u harbenigedd arloesedd.

-       Ardal Ddigidol Dinas Abertawe a'r Glannau; Enillodd tîm 'Y Tu Hwnt i Frics a Morter' Cyngor Abertawe glod mawr yng nghynllun Gwobrau Go y DU gyfan am eu gwaith ar brosiect Bae Copr. Roedd safle 71/72 Ffordd y Brenin yn parhau ac ar y trywydd iawn.

-       Cartrefi fel Gorsafoedd Pŵer (HAPS); roedd cytundebau ariannu bellach ar waith, a chawsant eu hadolygiad perfformiad blynyddol gyda thîm Swyddfa Archwilio Cymru ym mis Gorffennaf 2022. Gwnaed argymhellion yn dilyn hyn, sy’n cael eu rhoi ar waith ar hyn o bryd.

-       Rhaglen Isadeiledd Digidol; roedd nifer o arbenigwyr wedi'u penodi ac roedd yr amserlenni cyflwyno wedi’u gorffen.

-       Prosiect Campysau; roedd tri aelod pellach o'r tîm wedi'u cyflogi i gefnogi'r prosiect, ac roedd yr asesiad ecolegol wedi'i gynnal ar safle Lôn Sgeti.

-       Yr Egin; roedd y broses Hysbysiad Adnabod Newid wedi dechrau'n ffurfiol. Roedd yr ateb cyflwyno a ffefrir ar gyfer cam dau’n cael ei drafod ar hyn o bryd i sicrhau bod yr hyn y bwriedid ei gyflwyno’n addas at y diben, gan fod yr achos busnes wedi'i ysgrifennu tua phum mlynedd yn ôl.

-       Sgiliau a Thalent; Mae'r cais cyntaf am y prosiect peilot wedi'i adolygu gan y Grŵp Datrys Sgiliau sydd wedi argymell ei fod yn cael ei gymeradwyo i'r Partneriaeth Dysgu a Sgiliau Rhanbarthol (PDSRh). Yn dilyn trafodaeth y PDSRh fe’i cymeradwywyd.

Mewn ymateb i ymholiadau  ...  Gweld y cofnodion lawn ar gyfer eitem 3.

Richard Arnold, Rheolwr Cyllid, fu'n cyflwyno ac yn amlinellu'r adroddiad. Roedd yr adroddiad yn manylu ar sefyllfa alldro diwedd blwyddyn ragweledig y Cyd-bwyllgor a'r Gronfa Buddsoddi mewn Portffolios.

Cododd aelodau'r Pwyllgor Craffu bryderon ynghylch yr ymyriadau yn y sector preifat a'r sector cyhoeddus, y gwahaniaethau ariannol a brofwyd oherwydd yr oedi o ran caffael a thendro ar gyfer adeiladu, a holwyd a ellid darparu'r portffolio o fewn y 15 mlynedd a drefnwyd ai peidio. Cadarnhawyd y byddai effaith COVID-19, chwyddiant a'r cynnydd mewn costau adeiladu yn cael effaith; fodd bynnag, roedd cyfran fawr o'r portffolio eisoes yn cael ei gyflwyno, a fyddai'n helpu i liniaru hyn. Awgrymwyd hefyd pe bai hyn yn bryder i'r Pwyllgor Craffu, y gellid ei ychwanegu at y dangosfwrdd i’w fonitro.

PENDERFYNWYD:  Nododd y pwyllgor yr adroddiad.

Cyflwynodd y Rheolwr Cyllid yr adroddiad ac esboniodd fod yr Archwilydd Cyffredinol yn gyfrifol am roi barn ynghylch a yw'r Datganiad o Gyfrifon yn dangos darlun gwir a theg o sefyllfa Cyd-bwyllgor Bargen Ddinesig Bae Abertawe ar 31 Mawrth 2022. Crynhodd y swyddog ganfyddiadau'r archwiliad a gynhaliwyd, fel yr amlinellir yn yr adroddiad.

PENDERFYNWYD:  Y byddai’r pwyllgor yn nodi’r adroddiad.

Cyflwynodd Richard Arnold, Rheolwr Cyllid, yr adroddiad ac esboniodd mai Cyngor Sir Gâr, fel y Corff Atebol, oedd yn gyfrifol am stiwardiaeth ariannol Bargen Ddinesig Bae Abertawe. Dyma’r ail flwyddyn y bu'n rhaid i Gyd-bwyllgor Bargen Ddinesig Bae Abertawe lunio Datganiad o Gyfrifon yn unol â Rheoliadau Cyfrifon ac Archwilio (Cymru) 2014, fel y'i diwygiwyd yn 2018.

PENDERFYNWYD:  Y byddai’r pwyllgor yn nodi’r adroddiad.

Amlinellodd Phil Ryder, Rheolwr Portffolio, yr adroddiad a oedd yn rhoi crynodeb o weithgarwch allweddol i'r Cyd-bwyllgor Craffu ar gyfer y 12 mis diwethaf a gweithgarwch arfaethedig ar gyfer y 12 mis nesaf ynghyd ag astudiaethau achos o waith wedi'i gwblhau ac agweddau amrywiol eraill sy'n ymdrin â chyflawniadau cyflawni a manteision/canlyniadau arfaethedig.

PENDERFYNWYD:  Y byddai’r pwyllgor yn nodi’r adroddiad.

Unrhyw eitemau brys (boed yn gyhoeddus neu wedi'u heithrio) yn ôl disgresiwn y Cadeirydd yn unol ag Adran 100b (4)(B) o Ddeddf Llywodraeth Leol 1972.

Nid oedd unrhyw eitemau brys.