Agenda a Chofnodion

Cytunwyd y dylid penodi'r Cynghorydd C Clement-Williams yn Gadeirydd ar gyfer y cyfarfod.

Ni dderbyniwyd cyhoeddiadau gan y Cadeirydd.

Ni ddatganwyd unrhyw gysylltiadau.

Penderfyniad:

Bod Llyfrgell Gymunedol Llansawel yn cael £3,000 y flwyddyn mewn perthynas â'r codiad rhent o £3,190 y flwyddyn tuag at gost rhent Llyfrgell Gymunedol Llansawel yn amodol ar adolygiad yn unol ag adolygiadau rhent o 1 Ebrill 2021.

Rheswm dros y penderfyniad:

Er mwyn galluogi'r cyngor i ystyried swm y cymorth ariannol mewn perthynas â'r cais am grant a dderbyniwyd.

Rhoi Penderfyniadau ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Yn unol â Rheoliad 4(3) a (5) Offeryn Statudol 2001 Rhif 2290, gellir gwahardd y cyhoedd ar gyfer yr eitem fusnes ganlynol a oedd yn debygol o gynnwys datgelu gwybodaeth eithriedig fel a ddiffinnir ym Mharagraff 14 Rhan 4 Atodlen 12A o Ddeddf Llywodraeth Leol 1972.

Nododd yr aelodau fod nifer y ceisiadau a dderbyniwyd yn parhau i leihau oherwydd argaeledd grantiau eraill a oedd yn effeithio ar feini prawf cymhwysedd y grant hwn.

Penderfynwyd:

1.   Cymeradwyo ceisiadau i Gronfa Ymddiriedolaeth Addysg Bellach Morgannwg ar gyfer blwyddyn academaidd 2020/2021 fel y manylir yn Atodiad B ac C yr adroddiad a gylchredwyd.

2.   Dyrannu hyd at uchafswm o £3,760.50 ar gyfer 3 myfyriwr amser llawn fel y manylir yn Atodiad B yr adroddiad a gylchredwyd.

3.   Dyrannu hyd at uchafswm o £1,880.25 ar gyfer 2 fyfyriwr rhan-amser fel y manylir yn Atodiad C yr adroddiad a gylchredwyd.

4.   Cymeradwyo'r taliadau i'r ymgeiswyr cymeradwy hynny sy'n derbyn cefnogaeth barhaus gan Gronfa Ymddiriedolaeth Addysg Bellach Morgannwg.

Rheswm dros y penderfyniadau:

Darparu cefnogaeth ariannol addas i fyfyrwyr a fyddai'n dioddef o galedi fel arall.

Rhoi Penderfyniadau ar Waith:

Caiff y penderfyniad ei roi ar waith ar ôl y cyfnod tri diwrnod galw i mewn.

Fel a nodwyd yn flaenorol, nododd yr Aelodau'r effaith yr oedd argaeledd grantiau eraill yn ei chael ar nifer y ceisiadau a dderbynnir a oedd yn bodloni'r meini prawf cymhwysedd ar gyfer y grant hwn.

Penderfynwyd:

1.   Cymeradwyo'r ceisiadau cymwys a dderbynnir ar neu cyn y dyddiad cau i Gronfa Harold a Joyce Charles ar gyfer blwyddyn academaidd 2020/2021 fel y manylir yn Atodiad B yr adroddiad a gylchredwyd.

2.   Y dyraniad arian fydd £3,760.50 ar gyfer 3 myfyriwr amser llawn fel y manylir yn Atodiad B yr adroddiad a gylchredwyd.

3.   Cymeradwyo taliadau i'r ymgeiswyr cymeradwy hynny sy'n derbyn cefnogaeth barhaus gan Gronfa Harold a Joyce Charles.

    Rheswm dros y penderfyniadau:

Darparu cefnogaeth ariannol addas i fyfyrwyr a fyddai'n dioddef o galedi fel arall.

Rhoi Penderfyniadau ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Penderfyniad:

Rhoddir y gymeradwyaeth honno i ddileu'r symiau fel y manylir arnynt yn Atodiad 1 yr adroddiad a gylchredwyd.

Rheswm dros y penderfyniad:

Ni ellir adfer y cyfrifon ardrethi busnes.

Rhoi Penderfyniadau ar Waith:

Caiff y penderfyniad ei roi ar waith ar ôl y cyfnod galw i mewn o dridiau.