Agenda a Chofnodion

Craffodd y pwyllgor yr eitemau cabinet canlynol:

Model Amgen – Cyngor Pobl Hŷn

Nid yw’r Cyngor Pobl Hŷn (CPH) wedi cael ei adolygu ers ei sefydlu yn 2005. Gyda phoblogaeth gynyddol hŷn, ynghyd â materion cyfnewidiol sy’n effeithio ar fywydau pobl hŷn, a newidiadau mawr i ofal cymdeithasol i oedolion, roedd yn amserol sefydlu math o fodel gwahanol.

Pwysleisiodd y Cynghorwyr mor bwysig oedd hi i leisiau pobl hŷn gael eu clywed yn glir o fewn Castell-nedd Port Talbot. Roedd trafodaethau wedi’u cynnal yn ystod y 2 flynedd diwethaf gydag aelodau o’r CPH, yn ogystal â chydag amrywiol grwpiau eraill yn y gymuned leol sy’n ymgysylltu â phobl hŷn. Y bwriad oedd cynnal symposiwm tua mis Ebrill 2020 i siarad â phobl hŷn am y materion sy’n effeithio ar eu bywydau. Byddai cyfuniad o ddulliau ychwanegol yn cael eu defnyddio i gasglu barn pobl hŷn, gan gynnwys drwy’r rhyngrwyd ac wyneb yn wyneb.

Cafwyd canmoliaeth gan y Cynghorwyr i waith y CPH presennol, a nodwyd y gallai’r un aelodau fod yn rhan o’r fforwm newydd wedi’i ailfodelu, os dyna’u dymuniad. Pwysleisiodd y Cynghorwyr bwysigrwydd casglu barn cynrychiolwyr pobl hŷn, fel gofalwyr er enghraifft.

Nodwyd na fyddai unrhyw newid i’r meini prawf oedran presennol, ac y byddai pobl hŷn yn cael ymuno o hanner cant oed.

Ar ôl craffu, roedd y pwyllgor yn cefnogi’r cynigion i’r cabinet eu hystyried.

Cynghorodd y swyddog craffu’r Cynghorwyr fod nifer o ddyddiadau wedi’u newid oherwydd Etholiad Seneddol y DU a gyhoeddwyd yn ddiweddar ar gyfer 12 Rhagfyr 2019. Roedd y flaenraglen waith wedi’i diweddaru yn unol â hynny.

Nododd y pwyllgor y Flaenraglen Waith ar gyfer 2019/20.