Agenda a Chofnodion

Croesawodd y Cynghorydd S Rahaman bawb i'r cyfarfod a galwyd yr enwau.

 Ni wnaed unrhyw gyhoeddiadau.

·         Dewis eitemau priodol o agenda’r Cabinet ar gyfer craffu cyn penderfynu (amgaeir adroddiadau ar gyfer yr Aelodau Craffu)

Craffodd y Pwyllgor ar yr eitemau canlynol ar agenda Bwrdd y Cabinet:

Strategaeth Seiberddiogelwch Castell-nedd Port Talbot

Darparwyd trosolwg i aelodau o Strategaeth Seiberddiogelwch Cyngor Castell-nedd Port Talbot, fel y nodir yn yr adroddiad a ddosbarthwyd.

Cynhaliwyd trafodaethau ynghylch diogelwch e-byst ac atal e-byst maleisus. Nodwyd bod protocolau ar waith o fewn y gwasanaethau TG i helpu i ddiogelu gwasanaethau rhag unrhyw e-byst maleisus.

Yn dilyn craffu, roedd y pwyllgor yn gefnogol o'r cynigion i'w hystyried gan Fwrdd y Cabinet

Swyddfa Archwilio Cymru - Archwilio asesiad Cyngor Castell-nedd Port Talbot o berfformiad 2020-21

Rhoddodd aelodau glod i swyddogion ar yr adborth gan Swyddfa Archwilio Cymru mewn perthynas â Chyngor Castell-nedd Port Talbot yn bodloni ei oblygiadau cyfreithiol.

Yn dilyn craffu, nodwyd cynnwys yr adroddiad.

Arian Grant y Trydydd Sector - Cais ychwanegol am gyllid

Derbyniodd aelodau wybodaeth mewn perthynas â chais a dderbyniwyd ar gyfer arian grant y trydydd sector ar ôl y dyddiad cau swyddogol.

Gofynnodd aelodau am y rhesymau dros y cais hwyr a gofynnwyd am sicrwydd na fyddai ceisiadau hwyr yn y dyfodol yn cael eu blaenoriaethu. Cadarnhaodd swyddogion ei bod yn broblem weinyddol ac na fyddent yn cael eu blaenoriaethu wrth symud ymlaen.

Yn dilyn craffu, roedd y pwyllgor yn gefnogol o'r cynigion i'w hystyried gan Fwrdd y Cabinet

Nodwyd y Flaenraglen Waith.