Agenda a Chofnodion

Gwnaeth yr aelod canlynol ddatganiad o fudd ar ddechrau'r cyfarfod:

Y Cynghorydd S Reynolds: Parthed Polisi Hysbysebu a Noddi (papurau Bwrdd y Cabinet) gan mai hi yw cynrychiolydd yr awdurdod ar gyfer sefydliadau trydydd sector amrywiol.

Cymeradwyo cofnodion y cyfarfodydd blaenorol a gynhaliwyd ar 30 Hydref, 20 Tachwedd, 9 Rhagfyr 2019 a 10 Ionawr 2020.

·        Dewis eitemau priodol o Agenda Bwrdd y Cabinet ar gyfer craffu cyn penderfynu (amgaeir adroddiadau Bwrdd y Cabinet ar gufer yr Aelodau Craffu)

Craffodd y Pwyllgor ar yr eitemau canlynol ar agenda'r Cabinet:

Sefydlu Cadetiaid y Maer

Canmolodd yr aelodau ymrwymiad y cyngor at bobl ifanc, a fyddai'n helpu iddynt gael profiadau yn y dyfodol. 

Nododd yr aelodau y penodir tri chadét y Maer ar gyfer pob blwyddyn ddinesig o fis Mai 2020. Byddai'r rhain yn cael eu dewis o aelodau'r fyddin, y llynges frenhinol a Chadetiaid yr Awyrlu Brenhinol. Byddai darn o waith yn cael ei gynnal ar gyfer estyn y cyfrifoldeb i gynnwys cadetiaid eraill, megis yr heddlu, y gwasanaeth ambiwlans a'r gwasanaeth tân.

Yn dilyn y broses graffu, roedd y pwyllgor yn gefnogol o'r cynigion i'w hystyried gan y Cabinet.

Polisi Hysbysebu a Noddi

Trafodwyd cwmpas y polisi yn unol â chaffael corfforaethol/moesegol, tendro a chreu incwm. Trafodwyd y trefniadau presennol ynghylch noddi cylchfannau ac a fyddai'r trefniadau hyn yn parhau neu'n cael eu cyflawni'n fewnol ar ddiwedd cyfnod y contract cyfredol.

Roedd y pynciau eraill a drafodwyd yn cynnwys:

·        Ceisiadau cynllunio a chaniatâd priffyrdd

·        Cydweithio â sefydliadau trydydd sector

·         Sicrhau bod hysbysebu'n parchu'r amgylchedd.

Oherwydd newidiadau diweddar i bortffolio aelodau'r Cabinet, nododd yr aelodau y dylid newid y cyfeiriadau at y Dirprwy Arweinydd yn y polisi, fel y manylwyd yn nhudalen 53 adroddiad Bwrdd y Cabinet a ddosbarthwyd o 'Ddirprwy Arweinydd' i 'Aelod y Cabinet Dros Gyllid'.

Yn dilyn y broses graffu, roedd y pwyllgor yn gefnogol o'r cynigion i'w hystyried gan y Cabinet.

Nododd y Pwyllgor y Blaenraglen Waith ar gyfer 2019/2020.