Agenda a Chofnodion

Lleoliad: Ystafelloedd Pwyllgor A/B - Canolfan Ddinesig Castell-nedd - Canolfan Ddinesig Castell-nedd. Cyfarwyddiadau

Eitemau
Rhif Eitem

1.

Cyhoeddiad y Cadeirydd

Cofnodion:

Croesawodd y Cadeirydd yr Aelod Cabinet newydd dros Strydlun a Pheirianneg.

 

2.

Cofnodion y Cyfarfod Blaenorol pdf eicon PDF 90 KB

Cofnodion:

Cymeradwywyd cofnodion y cyfarfod a gynhaliwyd ar 22 Ionawr 2021.

 

 

3.

Craffu Cyn Penderfynu

Dewis eitemau priodol o agenda’r Cabinet ar gyfer craffu cyn penderfynu (amgaeir adroddiadau ar gyfer yr Aelodau Craffu)

Cofnodion:

Craffodd y Pwyllgor ar yr eitemau canlynol ar agenda Bwrdd y Cabinet:

Cynllun Rheoli Coedyddiaeth

Cyflwynwyd yr wybodaeth ddiweddaraf am Gynllun Rheoli Coedyddiaeth y cyngor i'r Pwyllgor.

Hysbyswyd yr Aelodau fod y cynllun rheoli wedi'i adolygu a'i ddiweddaru yn unol â hynny; un o'r prif newidiadau a amlygwyd oedd ei fod bellach yn cynnwys gwybodaeth am glefyd coed ynn.

Cafwyd trafodaeth mewn perthynas â manylion yr archwiliadau coed, yn enwedig yr ymyrraeth â cheblau uwchben a'r ymyrraeth â derbyniad lloeren/teledu. Nodwyd yn yr adroddiad a ddosbarthwyd fod cyfrifoldeb cyfreithiol (ar y cwmnïau cyfleustodau perthnasol) i sicrhau bod yr ardal o amgylch ceblau uwchben yn cael ei chlirio er mwyn darparu gwasanaeth di-dor i'w cwsmeriaid; Gofynnodd yr Aelodau pe bai stryd neu ardal benodol yn cael problemau oherwydd ymyrraeth â derbyniad lloeren/teledu, a fyddai gan y cwmnïau lloeren yr opsiwn i dorri'r coed hynny yn ôl pe dymunent. Cadarnhaodd swyddogion na fyddai hyn yn digwydd, gan nad oedd ganddynt yr un pwerau statudol; rhoddwyd y pwerau statudol ar waith ar gyfer ymyrryd â cheblau uwchben er mwyn diogelu adeiledd y ceblau.

Yn dilyn y drafodaeth, gofynnwyd a ellid gwneud unrhyw beth pe bai coed yn ymyrryd â'r rhyngrwyd neu signal lloeren i stryd, gan fod mwy o bobl yn gweithio gartref ac yn dibynnu ar y cysylltiadau hyn. Cadarnhaodd swyddogion yn y mathau hyn o amgylchiadau lle yr effeithiwyd ar ardal, y byddai angen iddynt weithio gyda darparwyr gwasanaethau i nodi sut y gallent ddarparu gwasanaethau i breswylwyr e.e. drwy gebl; gan ystyried y polisi presennol, ni allai'r cyngor dorri coed i lawr er mwyn gwella signal lloeren gan ei fod dan lawer o rwymedigaethau statudol i amddiffyn coed a bioamrywiaeth. Ychwanegwyd bod adegau pan oedd gan breswylwyr bryderon ynghylch golau, dail, cysylltiadau lloeren a diogelwch y coed; roedd yn rhaid i fanylion y canllawiau yn yr adroddiad adlewyrchu'r rhwymedigaethau a grybwyllwyd i amddiffyn coed.

Mewn perthynas â systemau gwraidd, soniwyd bod gwreiddiau'r coed wedi achosi i'r palmentydd godi mewn rhai ardaloedd, gyda rhai ohonynt yn rhwystro'r llwybrau ac yn golygu nad oedd preswylwyr yn gallu eu defnyddio. Gofynnwyd i swyddogion am wybodaeth am sut y gellid datrys y math hwn o fater; pan fydd swyddogion yn derbyn adroddiadau am y digwyddiadau hyn, bydd rhywun yn cael y dasg o archwilio'r ardal, ac os oes angen, byddai'r tarmac yn cael ei dorri allan a byddai proses o'r enw 'tocio gwraidd' yn cael ei chynnal, cyn ailosod y tarmac wedyn. Nodwyd nad oedd y broses hon bob amser yn bosib, ond bod swyddogion yn anelu at ei gwneud gan ei bod yn cadw'r goeden ac yn cadw'r briffordd mewn cyflwr ymarferol.

Esboniodd yr Aelodau eu bod wedi derbyn cwynion dros amser mewn perthynas ag ymyriadau coed, a oedd yn cynnwys y rhai nad oeddent ar dir sy'n eiddo i'r cyngor; Gofynnodd yr Aelodau i swyddogion ystyried pwy fyddai'n gyfrifol am fynd i'r afael â'r materion a adroddwyd mewn perthynas â choed nad ydynt ar dir sy'n eiddo i'r cyngor, p'un ai'r cyngor  ...  Gweld y cofnodion lawn ar gyfer eitem 3.

4.

Eitemau brys

Unrhyw eitemau brys (boed yn gyhoeddus neu wedi’u heithrio) yn ol disgresiwn y Cadeirydd yn unol ag Adran 100B (4) (b) o Ddeddf

Llywodraeth Leol 1972.

Cofnodion:

Oherwydd yr angen i ymdrin â'r materion sydd wedi'u cynnwys yng Nghofnod Rhif 5 isod, cytunodd y Cadeirydd y gellid trafod yr eitemau hyn yng nghyfarfod heddiw fel eitemau brys yn unol ag Offeryn Statudol Rhif 2290 (fel y'i diwygiwyd).

 

Rhesymau dros y brys:

Oherwydd yr elfen amser.

 

5.

Fframwaith Gwasanaethau Peirianneg Sifil Rhanbarthol De-orllewin a Chanolbarth Cymru 2021 i 2025 (fel yr amgaeir ym mhapurau Bwrdd y Cabinet)

Cofnodion:

Cyflwynwyd Fframwaith Gwasanaethau Peirianneg Sifil Rhanbarthol newydd De-orllewin a Chanolbarth Cymru i'r Aelodau.

Dywedodd swyddogion wrth y Pwyllgor mai'r adroddiad a ddosbarthwyd oedd trydedd iteriad Fframwaith Peirianneg Sifil De-orllewin Cymru; fe'i cyflwynwyd yn wreiddiol gyda phedwar awdurdod yn unig, ond roedd bellach wedi'i ehangu i gynnwys Cyngor Ceredigion. Nodwyd bod y fframwaith ar gyfer amrywiaeth o brosiectau peirianneg sifil y maent ar raddfa fwy fel arfer, ac fe'i cyflwynwyd i gydymffurfio ag amodau Ewropeaidd a Llywodraeth Cymru ynghylch dyfarniadau grant; byddai hyn yn cyflymu'r broses gan fod yr ymgynghorwyr llwyddiannus wedi bod drwy ymarfer caffael eang. Soniwyd bod hyn hefyd yn rhoi hyblygrwydd i Gyngor Castell-nedd Port Talbot a chydweithwyr ar draws y rhanbarth o ran darpariaeth ymgynghori; gellid cwblhau dyfarniadau uniongyrchol, ond yn y rhan fwyaf o achosion byddai swyddogion yn cynnal cystadlaethau bach ymhlith yr ymgynghorwyr hynny a ffefrir. Dywedodd swyddogion eu bod wedi ceisio adeiladu ar allu, ac y byddent yn cynnwys elfen o hyfforddiant i brentisiaid a gweithwyr proffesiynol, a allai naill ai weithio gyda'r cwmnïau peirianneg sifil a/neu'r ymgynghorwyr pan oedd y fframwaith ar waith; roedd hyn yn golygu y bydd pobl ifanc yn cael y cyfle i symud rhwng gwahanol gontractwyr/ymgynghorwyr i gael y sgiliau a'r cymwysterau angenrheidiol. Ychwanegwyd bod cysylltiadau â cholegau technegol lleol ar draws y rhanbarth ac ar draws y gwahanol ddisgyblaethau a oedd yn ganlyniad cadarnhaol iawn i'r trefniant hwn.

Cafwyd trafodaeth ynghylch sail y fframwaith gan gynnwys y manteision, yr effeithiau a'r cost-effeithiolrwydd. Cadarnhaodd swyddogion fod y rhesymeg y tu ôl i gyflwyno'r fframweithiau yn gysylltiedig â symleiddio faint o amser ac adnoddau yr oedd eu hangen i'r staff technegol baratoi tendrau bob tro; roedd llawer iawn o waith yn gysylltiedig â'r broses dendro, yn enwedig pan fyddai'n rhaid i staff ddechrau eto bob tro ar brosiect mawr a hefyd y gofyniad i gyhoeddi Hysbysiadau Gwybodaeth Blaenorol (HBG) ar gyfer pob prosiect unigol er mwyn cydymffurfio â'r ddeddfwriaeth gaffael. Nodwyd bod y broses hon yn hir iawn a thrwm, felly drwy lunio fframwaith peirianneg a fframwaith ymgynghori, lleihaodd yr amser hwnnw'n sylweddol. At hynny, tynnwyd sylw at y ffaith bod y dull rhanbarthol yn golygu y gellid rhannu'r llwyth gwaith ar draws y pum awdurdod yn hytrach na gorfod gwneud yr holl waith fel un cyngor; darparwyd enghreifftiau o ffyrdd o weithio a oedd yn cynnwys defnyddio staff a thimau'r awdurdodau eraill i helpu i gyflawni'r broses cyn cwblhau ymarfer caffael ar y cyd. Ychwanegodd swyddogion ei fod hefyd yn darparu rhywfaint o gysondeb o ran caffael a rheoli'r contractau ar gyfer yr ymgynghorwyr a'r contractwyr allanol; ar ôl iddynt gael eu cynnwys yn y fframwaith, gallent weld y byddent yn sicr o gael rhywfaint o swm a gwerth gwaith o fewn y rhanbarth, gan olygu y gallent wedyn gynllunio'n unol â hynny i adeiladu eu hadnoddau a'u cadwyni cyflenwi. Er mwyn i brosiectau ar raddfa lai (y rhai o dan £100,000 mewn gwerth) gael eu cwblhau gan y cyflenwyr lleol llai yn y sir, nodwyd y byddai Cyngor  ...  Gweld y cofnodion lawn ar gyfer eitem 5.