Agenda a Chofnodion

Adroddiad y Cyfarwyddwr Gwasanaethau Cymdeithasol, Iechyd a Tai

Cafwyd trosolwg o’r Gyllideb Gwasanaethau Cymdeithasol ac Arbedion Drafft 2020/2021, fel y nodwyd yn yr adroddiad a ddosbarthwyd.

Hysbyswyd yr aelodau bod camgymeriad gweinyddol wedi digwydd ar dudalen 13 o Atodiad 1 ac mewn perthynas â SSHH1001, dylid dileu’r frawddeg, ‘Proposal to reduce the rates paid to AFP carers in line with the rates paid to children’s foster carers’.

Rhoddwyd sicrwydd hefyd i’r Cynghorwyr na fyddai unrhyw swyddi’n cael eu dileu fel y nodwyd yn SSHH1008 ac y byddai’r frawddeg hon yn cael ei dileu o’r adroddiad. 

Nododd y Pwyllgor nad oedd digartrefedd wedi’i gynnwys yn yr adroddiad fel pwysau penodedig. Cytunodd swyddogion fod digartrefedd yn peri pwysau ar wasanaethau ond rhoddwyd sicrwydd bod modd ymdrin â hyn.

Nododd y pwyllgor y cysylltiad rhwng y cyfadrannau gwasanaethau cymdeithasol ac addysg.

Holodd y Cynghorwyr am y sefyllfa o ran prosiectau sy’n derbyn cyllid o’r UE yn dilyn Brexit a hysbyswyd na fyddai effeithiau’n cael eu gweld i’r trefniadau presennol ym  mlwyddyn ariannol 20/21. Hysbysodd y Cyfarwyddwr Cyllid a Gwasanaethau Corfforaethol y Cynghorwyr hefyd fod y Gyllideb Ddrafft, er eu bod wrthi’n adolygu’r amserlen toriadau a chynhyrchu incwm, sydd yn destun ymgynghori ar hyn o bryd, yn cynnwys buddsoddiad newydd yn 2020/21 o ryw £2.5m ar gyfer gwasanaethau Gofal Cymdeithasol. Gofynnodd y Cynghorwyr a fyddai modd i’r pwyllgor craffu dderbyn manylion o’r fath yn y dyfodol fel bod modd ystyried holl gynigion y gyllideb ddrafft.

Mewn perthynas â SSHH1001, gofynnodd y Cynghorwyr a fyddai gofalwyr yn cael eu heffeithio petai ffioedd lleoliadau teuluol oedolion yn cael eu hadolygu. Nododd swyddogion fod y manylion yn cael eu trafod a bod yr holl opsiynau’n cael eu hystyried er mwyn cyflawni’r arbedion.

Mewn perthynas â SSHH1002, gofynnodd y Pwyllgor a oedd cyfraniadau gan y Bwrdd Iechyd wedi’u cytuno. Nododd fod swyddogion yn archwilio hawliadau hanesyddol am gyfraniadau, yn ceisio cynyddu’r capasiti cyfreithiol i fynd i’r afael â’r materion hyn ac yn rhoi model ariannol newydd yn ei flaen ar gyfer cyfraniadau yn y dyfodol.

Rhoddwyd sicrwydd i’r Cynghorwyr y byddai’r dasg o leihau nifer y plant sy’n derbyn gofal yn cael ei wneud yn ddiogel ac yn naturiol ac y byddai anghenion y plentyn o’r pwys pennaf bob amser gan sicrhau na fyddai unrhyw blentyn yn cael ei roi mewn perygl.

Gofynnodd y pwyllgor am wybodaeth bellach mewn perthynas â SSHH1003 a chawsant wybod, oherwydd y galw uwch, y bydd incwm yn sgil asesiadau ariannol yn cynyddu’n naturiol, oherwydd y nifer uwch o becynnau gofal sy’n cael eu darparu yn sgil y buddsoddiad cyllid newydd yn 2020/21.

Rhoddwyd sicrwydd i’r Cynghorwyr na fyddai’r arbedion a nodwyd yn SSHH1005 mewn perthynas â’r Gwasanaeth Cyfarpar ar y Cyd yn cael unrhyw effaith ar ddefnyddwyr gwasanaethau ac y byddai cyfraniadau’n seiliedig ar ddefnydd gwirioneddol.

Cafodd y Cynghorwyr drafodaeth am yr arbedion a nodwyd yn SSHH1010 a chawsant wybod bod arbedion i gyllidebau cyfreithiol wedi’u nodi oherwydd arbenigedd cynyddol staff y Cyngor. Mae penderfyniadau’n cael eu herio i raddau llai wrth i ansawdd asesiadau gwaith cymdeithasol wella ac  ...  Gweld y cofnodion lawn ar gyfer eitem 1.