Cofnodion

Cymeradwywyd cofnodion y cyfarfod a gynhaliwyd ar 2 Medi, 2019.

Gofynnwyd i aelodau'r pwyllgor gymeradwyo diwygiad paragraff 6 o'r Polisi Masnachu ar y Stryd er mwyn cynnwys y canlynol:

Ni fydd angen Caniatâd Masnachu ar y Stryd pan fyddwch yn masnachu fel rhan o ffair deithiol os byddwch yn bodloni'r amodau canlynol:-

·        Ystyriwyd y digwyddiad gan Grŵp Cynghori ar Ddiogelwch Castell-nedd Port Talbot a bod unrhyw argymhellion a gynigir gan y grŵp yn cael eu rhoi ar waith.

·        Mae gennych bob caniatâd perthnasol gan y cyngor ac asiantaethau partner, gan gynnwys (ond heb fod yn gyfyngedig i) yr Heddlu, yr Awdurdod Tân, etc.

Oherwydd bod angen ymdrin â'r mater a gynhwysir yng Nghofnod 4 a 6 isod ar unwaith, cytunodd y Cadeirydd y gellid eu trafod yng nghyfarfod heddiw fel eitem brys yn unol ag Adran 100A(4) a (5) o Ddeddf Llywodraeth Leol 1972.

Rheswm

Oherwydd yr amserlen.

Rhoddwyd diweddariad i aelodau o ran gweinyddu a gorfodi materion trwyddedu ar gyfer cyfnod 2018-2019, fel a nodwyd yn yr adroddiad a ddosbarthwyd.

Cafwyd trafodaeth ynghylch trwyddedu anifeiliaid a nodwyd bod Castell-nedd Port Talbot wedi cefnogi cyflwyno Cyfraith Lucy i wahardd gwerthiannau cŵn bach gan siopau anifeiliaid a gwerthwyr masnachol trydydd parti eraill.

Rhoddodd swyddogion wybod i'r pwyllgor fod arolygiadau di-rybudd o dacsis wedi dod i ben am gyfnod byr oherwydd nad yw'r tîm Heddlu y mae'r Adran Trwyddedu'n gweithio'n agos gyda nhw ar gael, ond mae'r arolygiadau hyn wedi ailddechrau erbyn hyn.  Cytunwyd y byddai'r pwyllgor yn cael gwybod os bydd unrhyw broblemau ynghylch cyflawni arolygiadau o gerbydau yn y dyfodol.

Diolchodd y Cadeirydd i'r swyddogion trwyddedu am eu gwaith da.

PENDERFYNWYD nodi'r adroddiad.

Gohiriwyd yr eitem hon tan y cyfarfod nesaf oherwydd nad oedd yr ymgeisydd yn bresennol.