Cofnodion

Cymeradwywyd cofnodion y cyfarfod a gynhaliwyd ar 28 Hydref, 2019.

Gohiriwyd yr eitem hon nes bod gwybodaeth ychwanegol ar gael i Aelodau.

Cafodd Aelodau wybodaeth mewn perthynas â dirymu Trwydded Yrru Cerbyd Hacni a Hurio Preifat

Eglurodd swyddogion pan fydd yr Is-adran Trwyddedu'n derbyn ymgeisydd newydd, mae hi bellach yn e-bostio Adran y Gwasanaethau Cymdeithasol er mwyn gwirio a yw'r ymgeisydd yn ymddangos ar eu cofrestr Oedolion neu Blant.

Esboniodd swyddogion i Aelodau fod y gwaith o sefydlu cronfa ddata NR3 (Cronfa Ddata Genedlaethol sy'n nodi gyrwyr y gwrthodwyd eu trwydded a dirymiadau) ar y camau olaf ac y byddai ar gael yn fuan. Byddai hyn yn darparu manylion gyrwyr y mae eu trwyddedau wedi'u gwahardd neu eu dirymu i swyddogion.

Mynegodd Aelodau bryder ynghylch system ddatgelu'r heddlu mewn perthynas â gyrwyr tacsi. Cytunwyd y byddai llythyr yn cael ei anfon at Heddlu De Cymru a chopi ohono'n mynd i Gomisiynydd yr Heddlu a Throseddu er mwyn tynnu sylw at bwysigrwydd rhannu gwybodaeth o ran datgelu gyrrwr. Dywedodd y Swyddog Trwyddedu hefyd y byddai'r pryderon yn cael eu mynegi yng nghyfarfod Panel Arbenigol Trwyddedu Cymru Gyfan, gyda chynnig bod y llythyr yn cael ei anfon ymlaen i bob un o'r pedwar heddlu yng Nghymru.

PENDERFYNWYD y byddai'r adroddiad yn cael ei nodi.

Bydd y Prif Swyddog Trwyddedu yn anfon llythyr at Heddlu De Cymru (a chopi i Gomisiynydd yr Heddlu a Throseddu) a fydd yn amlinellu pryderon Aelodau o ran datgelu a hefyd yn mynegi pryderon yng nghyfarfod nesaf Panel Arbenigol Trwyddedu Cymru Gyfan, gyda'r bwriad i anfon llythyr at y pedwar heddlu.