Mater - cyfarfodydd

·        Dewis eitemau priodol o agenda’r Cabinet ar gyfer craffu cyn penderfynu (amgaeir adroddiadau ar gyfer yr Aelodau Craffu)

Craffodd y Pwyllgor ar yr eitemau canlynol ar agenda Bwrdd y Cabinet:

Cynllun Corfforaethol 2022-2027 - Adfer, Ailosod, Adnewyddu

Derbyniodd yr aelodau adroddiad a oedd yn gofyn am gymeradwyaeth i ymgynghori ar Gynllun Corfforaethol diweddaredig ar gyfer y cyfnod 2022-2027.

Dywedodd y Prif Weithredwr fod yr adroddiad yn cyfleu ymateb y cyngor i'r pandemig, ac yn nodi'r effeithiau ar gymunedau a'r economi leol; roedd yr effeithiau wedi newid cyd-destun y ffordd yr oedd angen i'r cyngor gynllunio wrth symud ymlaen. Nodwyd bod gan y cyngor ddyletswydd statudol i lunio'r cynlluniau hyn a bu'n rhaid iddo ystyried, fel rhan o'r gwaith hwn, a oedd yr amcanion lles blaenorol yn parhau'n briodol neu a oedd angen eu newid; daethpwyd i'r casgliad bod angen diwygio'r amcanion lles yng ngoleuni’r newid cyd-destun. Roedd rhan arall o'r gwaith hwn a amlygwyd yn cynnwys edrych ymlaen at nodi ffactorau amrywiol a fyddai'n cael effaith yn y dyfodol megis newid yn yr hinsawdd, setliadau ariannol a rhaglen Lywodraethu Llywodraeth Cymru ei hun.

Nodwyd bod yr adroddiad a ddosbarthwyd hefyd yn crynhoi'r camau adfer cychwynnol yr oedd y cyngor wedi'u cymryd; roedd camau yn erbyn adferiad wedi mynd rhagddynt pan allent, gan ddibynnu ar sefyllfa'r pandemig. Un o’r darnau gwaith y dywedodd swyddogion eu bod wedi cwblhau oedd nodi'r blaenoriaethau ar gyfer y cam nesaf, a oedd wedi'u rhannu'n bedwar amcan lles newydd:

1.   Y dechrau gorau mewn bywyd i bob plentyn a pherson ifanc;

2.   Adeiladu cymunedau ffyniannus a chynaliadwy drwy ddefnyddio'r cryfderau a welwyd mewn cymunedau yn ystod y pandemig;

3.   Rhoi blaenoriaeth uwch i'r gwaith a wneir sy’n ymwneud â’r amgylchedd, diwylliant a threftadaeth leol;

4.   Adnewyddu a dwysáu gwaith er mwyn creu swyddi gwyrdd o ansawdd da yn yr ardal, a helpu pobl leol i ennill y sgiliau a'r hyder i ymgymryd â'r gyflogaeth honno.

Dywedodd swyddogion y bydd angen i raglen newid sefydliadol sylweddol o fewn y cyngor fod yn sail i’r holl waith hwn, wrth ddatblygu'r Cynllun Corfforaethol, roedd swyddogion wedi cysylltu ag aelodau ynghylch y mathau o newidiadau i'r diwylliant a'r ffyrdd o weithio y bydd angen eu cyflwyno. Soniwyd bod bod yn un fel cyngor wrth wraidd y newid hwn, yn ystod y pandemig, roedd llawer o adrannau ar draws cyngor wedi dod at ei gilydd fel tîm, ac roedd seilos rhwng adrannau wedi'u dadansoddi. Ychwanegodd y Prif Weithredwr y byddai hyn yn rhan bwysig iawn o'r ffordd y mae'r cyngor yn symud yn ei flaen.

Nodwyd mai un elfen nad oedd wedi'i chwblhau eto oedd cyfrifo'r mesurau mewn perthynas â'r amcanion lles newydd; roedd rhywfaint o waith i'w gwblhau dros yr wythnosau nesaf i sicrhau y gallai'r cyngor ddangos y gwahaniaeth y bydd y rhain yn ei wneud. Tynnwyd sylw at y ffaith y bydd gan swyddogion ddiddordeb mewn unrhyw farn a allai fod gan y cyhoedd am y ffyrdd y gallai'r cyngor fesur llwyddiant fel rhan o'r ymgynghoriad. Hysbyswyd y pwyllgor y bydd cyfle i'r weinyddiaeth newydd gynnal adolygiad pellach o flaenoriaethau a pholisïau'r cynghorau ar ôl yr  ...  Gweld y cofnodion lawn ar gyfer eitem 3