Manylion y penderfyniad

Penderfyniadau:

1.   Bod y rhestr fer o brosiectau Castell-nedd Port Talbot i'w chyflwyno i Gronfa Adfywio Cymunedol Llywodraeth y DU yn cael ei chymeradwyo.

2.   Bod Cyfarwyddwr yr Amgylchedd ac Adfywio, mewn ymgynghoriad â'r Arweinydd a'r Aelod(au) Cabinet perthnasol, yn cael awdurdod dirprwyedig i gymeradwyo cyflwyno ceisiadau Cronfa Adfywio Cymunedol y DU i lywodraeth y DU erbyn y dyddiad cau sef 18 Mehefin 2021.

3.   Bod Cyfarwyddwr yr Amgylchedd ac Adfywio, mewn ymgynghoriad â'r Cyfarwyddwr Cyllid a Gwasanaethau Corfforaethol a'r Arweinydd a'r Aelod(au) Cabinet perthnasol, yn cael ei awdurdodi i ymrwymo i gytundebau grant neu ddogfennau cysylltiedig a allai fod yn angenrheidiol i dynnu arian o Gronfa Adfywio Cymunedol y DU.

Rheswm dros y penderfyniadau:

Galluogi Swyddogion i gyflwyno rhestr fer Ceisiadau Castell-nedd Port Talbot i Lywodraeth y DU i wneud cais i Gronfa Adfywio Cymunedol y DU.

Rhoi Penderfyniadau ar Waith:

Caiff y penderfyniad ei roi ar waith ar ôl y cyfnod galw i mewn o dridiau.