Manylion y penderfyniad

Penderfyniad:

Ar ôl rhoi sylw dyladwy i'r asesiad effaith integredig a'r atodiad, yn unol â Chôd Derbyniadau Ysgol 2013 a Rheoliadau Addysg (Penderfynu ar Drefniadau Derbyn) (Cymru), penderfynodd yr aelodau y dylid cymeradwyo'r trefniadau derbyn ar gyfer ysgolion cymunedol mewn perthynas â blwyddyn academaidd 2025/2026, fel sydd ynghlwm wrth yr adroddiad.

Rheswm dros y Penderfyniad:

Er mwyn galluogi'r Cyngor i gyflawni dyletswyddau statudol a chanllawiau arfer da mewn perthynas â derbyn disgyblion i ysgolion cymunedol.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod galw i mewn o dridiau, a ddaeth i ben am 9.00am ddydd Llun, 18 Mawrth 2024.

Ymgynghoriad:

 Mae angen ymgynghori â'r canlynol:

·    cyrff llywodraethu ysgolion cymunedol

·    cyrff llywodraethu a gynorthwyir yn wirfoddol  (h.y. ysgolion ffydd)

·    pob awdurdod lleol cyfagos.

Mewn perthynas â blwyddyn academaidd 2025/2026, mae'n ofynnol cynnal yr ymgynghoriadau hynny ddim cynt na 1 Medi 2023 a rhaid eu cwblhau erbyn 1 Mawrth 2024.

Ar ôl i'r ymgynghoriad gael ei gwblhau, rhaid i'r Cyngor benderfynu ar ei drefniadau derbyn erbyn 15 Ebrill 2024, naill ai yn eu ffurf wreiddiol neu gydag addasiadau yr ystyrir eu bod yn addas.

Cynhaliwyd ymgynghoriad rhwng 1 Rhagfyr 2023 a 12 Ionawr 2024. Roedd yr ymgyngoreion yn cynnwys penaethiaid a chyrff llywodraethu ysgolion cymunedol a gynorthwyir yn wirfoddol yn y Fwrdeistref Sirol (yr ardal berthnasol) ac awdurdodau lleol cyfagos.

Ni dderbyniwyd unrhyw sylwadau.