Manylion y penderfyniad

Penderfyniad:

Ar ôl rhoi sylw dyladwy i'r asesiad effaith integredig a'r atodiadau, mabwysiadu'r Strategaeth Treftadaeth yn ffurfiol.

Rheswm dros y Penderfyniad:

Diogelu'r Strategaeth Treftadaeth ar gyfer CNPT a galluogi cyflawni Amcan Lles 3. Er mwyn sicrhau y gall cenedlaethau'r dyfodol fwynhau ein hamgylchedd, ein diwylliant a'n treftadaeth leol.

Rhoi'r Penderfyniad ar Waith:

Bydd y penderfyniad yn cael ei roi ar waith ar ôl y cyfnod galw i mewn o dridiau, a ddaeth i ben am 9.00am ddydd Llun, 18 Mawrth 2024.

Ymgynghoriad:

Cynhaliwyd ymarfer ymgynghori helaeth ar gyfer y Strategaeth Treftadaeth. Dangosir methodoleg a chanlyniadau'r ymgynghoriad yn Adroddiad Ymgynghori'r Strategaeth Treftadaeth.

Cynhaliwyd gweithdai wyneb yn wyneb gyda rhanddeiliaid, grwpiau treftadaeth gwirfoddol ac arolygon ar-lein yn gofyn am adborth ar sut mae'r cyhoedd yn teimlo am y weledigaeth, yr amcanion a'r camau gweithredu i werthfawrogi a gwarchod eu treftadaeth a'r effaith gadarnhaol y mae'n ei chael ar eu lles a chynaladwyedd eu grwpiau cymunedol.

Cynhaliwyd ymgynghoriad ar y Strategaeth Treftadaeth rhwng 9 Hydref  a 5 Tachwedd 2023. Mae canlyniadau'r broses ymgynghori yn cael eu hadrodd i'r Cabinet yn Adroddiad Ymgynghori'r Strategaeth Dreftadaeth. Mae canfyddiadau'r adroddiad wedi llywio'r Strategaeth a'r Cynllun Gweithredu.