Manylion y penderfyniad

Ailbwysleisiodd y Cynghorydd C.Clement-Williams ei buddiant ar yr adeg hon a thynnu'n ôl o'r cyfarfod am barhad yr eitem.

Derbyniodd yr Aelodau wybodaeth fod y ward yr effeithiwyd arni yn ardal Godre'r-graig ac nid fel y nodwyd yn yr adroddiad a ddosbarthwyd.

Penderfyniadau:

1.   Gwneud Gorchymyn Creu llwybr cyhoeddus yn unol ag Adran 26 o Ddeddf Priffyrdd 1980 mewn perthynas â'r llwybr a ddangosir fel A1-B1-C1-D1-D2-E1 a hefyd F1-G fel y nodir yng Nghynllun rhif 3 i'r adroddiad a ddosbarthwyd;

2.   Gwneud Gorchymyn Diddymu'n unol ag Adran 118 o Ddeddf Priffyrdd 1980 mewn perthynas â'r llwybr a ddangosir A-B-C-D-E fel y nodir yng Nghynllun rhif 2 i'r adroddiad a ddosbarthwyd.

3.   Os na dderbynnir gwrthwynebiadau i'r ddau orchymyn uchod, yna cânt eu cadarnhau ynghyd â'r gorchymyn addasu a wnaed yn gynharach o dan ddarpariaethau Deddf Bywyd Gwyllt a Chefn Gwlad 1981 fel y dangosir fel llinell drom ar gynllun rhif 1 i'r adroddiad a ddosbarthwyd.

Rhesymau dros y Penderfyniadau:

1. Roedd angen darparu llwybr cyhoeddus o Heol Hodgson i afon Tawe o ystyried bod y cyngor hwn wedi cytuno bod llwybr cyhoeddus wedi bodoli o'r ffordd honno i'r afon cyn y datblygiad tai.

2. O ystyried bod y datblygiad tai wedi rhwystro llinell y llwybr gwreiddiol, roedd angen dewis arall.  Gan fod yr ymgais flaenorol i ddargyfeirio'r llwybr wedi methu, yr unig ateb ymarferol arall yw opsiwn i osod un o'r pwyntiau ymadael yn G1 fel y nodir yng nghynllun rhif 3.

3. O ganlyniad i fabwysiadu ffyrdd stadau o fewn y datblygiad tai, ni ellir gwneud gorchymyn dargyfeirio arall, ond byddai gwneud gorchymyn dileu neu ddiddymu ar yr un pryd yn dal i gyflawni'r un canlyniad.  Byddai hyn yn dileu llinell y llwybr sy'n mynd drwy'r stad o dai ac yn cynnig dewis arall drwy wneud gorchymyn creu.

Rhoi Penderfyniadau ar Waith:

Caiff y penderfyniad ei roi ar waith ar ôl y cyfnod galw i mewn o dridiau.

Ymgynghoriad:

Cynhaliwyd ymgynghoriad gyda rhestr safonol o sefydliadau megis Cymdeithas y Cerddwyr, eu cynrychiolwyr lleol, Byways and Bridleways Trust, y Cyngor Cymuned, yr Aelod Lleol ynghyd â chartrefi Taylor Wimpey a Barratts yn ogystal â'r rheini y mae llinell y llwybr presennol yn effeithio ar eu tai a'r rheini sy'n byw'n agos at y llwybr newydd arfaethedig lle mae'n arwain at y stad o dai ac oddi yno.